Sai Pallavi faces Sangh Parivar cyber attacks over Virata Parvam interview

സായിപല്ലവിക്കെതിരെ സംഘപരിവാർ സൈബറാക്രമണം നടത്തുന്നു. 2022-ൽ പുറത്തിറങ്ങിയ ‘വിരാടപർവ്വം’ എന്ന സിനിമയുമായി ബന്ധപ്പെട്ട് നടി നൽകിയ അഭിമുഖത്തിൽ സൈന്യത്തെ അധിക്ഷേപിച്ചെന്നാണ് ആരോപണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ത്യൻ സൈന്യം പാകിസ്ഥാനിലെ ജനങ്ങളെ ഭീകരരായി കാണുന്നതായും, പാക് ജനത തിരിച്ചും അങ്ങനെയാണെന്നും പറയുന്ന ഇന്റർവ്യൂവിലെ ഭാഗം കട്ട് ചെയ്താണ് പ്രചരിപ്പിക്കുന്നത്. എന്നാൽ, അക്രമം ശരിയല്ലെന്നും പ്രശ്നങ്ങൾ പരിഹരിക്കാൻ അക്രമമല്ല മാർഗമെന്നും സായി പല്ലവി അഭിമുഖത്തിൽ പറഞ്ഞിരുന്നു.

മറ്റന്നാൾ റിലീസ് ചെയ്യുന്ന ‘അമരൻ’ എന്ന സിനിമ ബഹിഷ്കരിക്കണമെന്ന ആഹ്വാനവും തീവ്രവലതുപക്ഷ ഹാൻഡിലുകൾ നടത്തുന്നുണ്ട്. നിതീഷ് തിവാരിയുടെ ‘രാമായണ’ സിനിമയിൽ നിന്ന് സായി പല്ലവിയെ ഒഴിവാക്കാനും ആവശ്യപ്പെടുന്നു.

മുമ്പും സമാനമായ രീതിയിൽ സംഘപരിവാറിന്റെ സൈബർ ആക്രമണം നടി നേരിട്ടിരുന്നു. ഒരു തെലുങ്ക് ചാനലിൽ നൽകിയ മുൻ അഭിമുഖത്തിൽ, കശ്മീരി പണ്ഡിറ്റുകൾക്കെതിരായ ക്രൂരകൃത്യങ്ങളും മുസ്ലീം സമുദായത്തിനെതിരായ ആൾക്കൂട്ട അക്രമങ്ങളും തന്നെ അസ്വസ്ഥയാക്കുന്നുവെന്നും, സമൂഹത്തിലെ എല്ലാ തലത്തിലുമുള്ള ഹിംസാത്മകതകൾ അവസാനിപ്പിക്കണമെന്നും നടി പറഞ്ഞത് സംഘപരിവാറിനെ ചൊടിപ്പിച്ചിരുന്നു.

രാഹുൽ മാങ്കൂട്ടത്തിലിനെതിരായ കേസ്: അതിജീവിതയ്ക്കെതിരായ സൈബർ ആക്രമണങ്ങളിൽ കേസ് എടുക്കാൻ പോലീസ്

ഇത്തരം നിലപാടുകൾ സംഘപരിവാറിന്റെ തുടർച്ചയായ സൈബർ ആക്രമണങ്ങൾക്ക് കാരണമാകുന്നു.

Story Highlights: Actress Sai Pallavi faces cyber attacks from Sangh Parivar over alleged army insult in interview about ‘Virata Parvam’ movie

രാഹുൽ ഈശ്വർ പൊലീസ് കസ്റ്റഡിയിൽ; ഗൂഢാലോചനയുണ്ടോയെന്ന് അന്വേഷണം