ശബരിമലയിലെ ഈ മണ്ഡലകാലത്തെ ഏറ്റവും വലിയ ഭക്തജനത്തിരക്ക് ഇന്നലെ (ഡിസംബർ 19) രേഖപ്പെടുത്തി. 96,007 ഭക്തർ ദർശനത്തിനെത്തിയതോടെ സീസണിലെ റെക്കോർഡ് തിരക്കാണ് അനുഭവപ്പെട്ടത്. സ്പോട്ട് ബുക്കിങ്ങിലും വൻ വർധനയുണ്ടായി, 22,121 പേർ ഈ സൗകര്യം ഉപയോഗപ്പെടുത്തി.
ഇന്നും (ഡിസംബർ 20) ഭക്തജനത്തിരക്കിൽ ഗണ്യമായ വർധനയുണ്ട്. ഉച്ചയ്ക്ക് 12 മണിവരെ 54,099 ഭക്തർ സന്നിധാനത്തെത്തി. ഇതിൽ പമ്പ വഴി 51,818 പേരും പുൽമേടുവഴി 2,281 പേരുമാണ് എത്തിയത്. സ്പോട്ട് ബുക്കിങ് വഴി 11,657 പേർ ദർശനം നടത്തി.
ഇന്നലത്തെ അപേക്ഷിച്ച് ഈ സമയം വരെയുള്ള വർധന ആറായിരത്തോളമാണ്. സീസണിലെ ഏറ്റവും വലിയ ഭക്തജനത്തിരക്കുണ്ടായിട്ടും ദർശനം സുഗമമാക്കാനും ഭക്തർക്ക് പരാതിരഹിതമായി അയ്യപ്പനെ കണ്ടുമടങ്ങാനും പോലീസും മറ്റു സംവിധാനങ്ങളും വഴിയൊരുക്കുന്നുണ്ട്.
ക്യൂവിന്റെ നീളം കൂടുന്നുണ്ടെങ്കിലും അനാവശ്യമായ തിക്കും തിരക്കുമില്ലാതെ ദർശനം നടത്താനായതിന്റെ സന്തോഷത്തിലാണ് ഭക്തസഹസ്രങ്ങൾ മടങ്ങുന്നത്. സന്നിധാനം സ്പെഷൽ ഓഫീസർ ബി. കൃഷ്ണകുമാർ പറഞ്ഞതനുസരിച്ച്, ഭക്തരുടെ എണ്ണം കുതിച്ചുയർന്നിട്ടും യാതൊരുതരത്തിലുമുള്ള അധികനിയന്ത്രണങ്ങൾ ഏർപ്പെടുത്തുകയോ ഒരിടത്തും ഭക്തരെ തടയുകയോ ചെയ്തിട്ടില്ല.
മുന്നൊരുക്കങ്ങളിലെ സമഗ്രതയും സർക്കാർ സംവിധാനങ്ങളുടെ ഏകോപനത്തുടർച്ചയും പോലീസിന്റെ കൃത്യമായ വിന്യാസവുമാണ് എല്ലാവർക്കും സുഖദർശനം ഉറപ്പാക്കാൻ തുണച്ചത്. പരീക്ഷകൾ കഴിഞ്ഞതിനാലും സ്കൂളുകൾ ക്രിസ്മസ് അവധിയിലേക്കു കടന്നതിനാലും വരും ദിവസങ്ങളിൽ കുട്ടികൾ അടക്കമുള്ള കൂടുതൽ ഭക്തജനങ്ങളെയാണ് സന്നിധാനത്തു പ്രതീക്ഷിക്കുന്നത്.
മണ്ഡലപൂജയ്ക്കു മുന്നോടിയായി ഇനിയുള്ള ദിവസങ്ങളിൽ ഒരു ലക്ഷത്തിലേറെ ഭക്തർ എത്തുമെന്ന കണക്കുകൂട്ടലിൽ സുഖദർശനം ഉറപ്പാക്കുന്നതിനു വേണ്ടി കൃത്യമായ മുന്നൊരുക്കങ്ങൾ ഉന്നതതലത്തിൽ നടത്തിയിട്ടുണ്ടെന്ന് സ്പെഷൽ ഓഫീസർ അറിയിച്ചു.
ഡിസംബർ 13 മുതലാണ് സ്പോട്ട് ബുക്കിങ്ങിൽ വലിയ വർധനവുണ്ടായത്. നവംബർ 15 മുതൽ ഡിസംബർ 19 വരെ ആകെ 4,46,130 പേരാണ് സ്പോട്ട് ബുക്കിങ് വഴി ദർശനത്തിന് എത്തിയത്. മണ്ഡലപൂജ, തങ്കഅങ്കി ഘോഷയാത്രയുമായി ബന്ധപ്പെട്ടു വർച്വൽ ക്യൂ അടക്കമുള്ള കാര്യങ്ങളിൽ ക്രമീകരണങ്ങൾ പൂർത്തിയായിട്ടുണ്ട്. 25ന് തങ്കഅങ്കി ഘോഷയാത്ര സന്നിധാനത്ത് എത്തുകയും 26ന് മണ്ഡലമഹോത്സവത്തിനു സമാപനം കുറിച്ചുകൊണ്ട് നട അടയ്ക്കുകയും ചെയ്യും.
Story Highlights: Record number of pilgrims visit Sabarimala during Mandala season
സംസ്ഥാനത്ത് വീണ്ടും അമീബിക് മസ്തിഷ്കജ്വരം സ്ഥിരീകരിച്ചു. തിരുവനന്തപുരം ആർസിസിയിൽ ചികിത്സയിലായിരുന്ന പാറശ്ശാല സ്വദേശിയ്ക്കാണ് Read more
ശബരിമല റോപ്പ് വേ പദ്ധതിക്ക് അന്തിമ അനുമതി ഉടൻ ലഭിക്കുമെന്നാണ് പ്രതീക്ഷ. ഇതിനായുള്ള Read more
തുലാമാസ പൂജകൾക്കായി ശബരിമല നട തുറക്കുമ്പോൾ രാഷ്ട്രപതി ദ്രൗപദി മുർമുവിന്റെ സന്ദർശനം കണക്കിലെടുത്ത് Read more
ശബരിമല ദ്വാരപാലക ശിൽപ്പത്തിലെ സ്വർണ്ണ മോഷണവുമായി ബന്ധപ്പെട്ട് പ്രത്യേക അന്വേഷണ സംഘം ദേവസ്വം Read more
കേരളത്തിന് മൂന്നാമതായി ഒരു വന്ദേഭാരത് ട്രെയിൻ കൂടി അനുവദിച്ചു. എറണാകുളം-ബെംഗളൂരു റൂട്ടിലാണ് പുതിയ Read more
സംസ്ഥാനത്ത് സ്വര്ണവില വീണ്ടും ഉയര്ന്നു. ഇന്ന് ഉച്ചയ്ക്ക് ശേഷം ഒരു പവന് സ്വര്ണത്തിന് Read more
രാഷ്ട്രപതി ദ്രൗപതി മുർമുവിന്റെ സന്ദർശനത്തെ തുടർന്ന് ശബരിമലയിൽ ഒക്ടോബർ 22-ന് പൊതുജനങ്ങൾക്കുള്ള ദർശനം Read more
തിരുവനന്തപുരം നെയ്യാറ്റിൻകരയിൽ ഗ്യാസ് അടുപ്പിൽനിന്നുണ്ടായ തീപിടിത്തത്തിൽ യുവതി ദാരുണമായി മരിച്ചു. മുട്ടയ്ക്കാട് സ്വദേശി Read more
ശബരിമലയിലെ ദ്വാരപാലക ശില്പത്തില് സ്വര്ണം പൂശിയ ശേഷം അത് തിരികെ സ്ഥാപിച്ചതിലും ദുരൂഹതകളുണ്ടെന്ന് Read more
മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിയുമായും ആഭ്യന്തരമന്ത്രി അമിത് ഷായുമായും കൂടിക്കാഴ്ച Read more
