Sabarimala VIP Darshan: High Court Criticizes Dileep's Special Treatment

ശബരിമലയിൽ നടൻ ദിലീപിന് വി.ഐ.പി പരിഗണന നൽകിയ സംഭവത്തിൽ ഹൈക്കോടതി കടുത്ത വിമർശനം ഉന്നയിച്ചു. ഈ വിഷയം ലഘുവായി കാണാൻ കഴിയില്ലെന്ന് കോടതി വ്യക്തമാക്കി. സംഭവത്തെക്കുറിച്ച് ദേവസ്വം ബോർഡിനോട് വിശദീകരണം ആവശ്യപ്പെട്ടതോടൊപ്പം, സി.സി.ടി.വി ദൃശ്യങ്ങൾ ഹാജരാക്കാനും നിർദേശം നൽകി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്നലെയാണ് നടൻ ദിലീപ് ശബരിമലയിൽ ദർശനം നടത്തിയത്. വ്യാഴാഴ്ച നട അടയ്ക്കുന്നതിന് തൊട്ടുമുമ്പായിരുന്നു അദ്ദേഹത്തിന്റെ സന്ദർശനം. ഹരിവരാസനം കീർത്തനം പൂർത്തിയായി നട അടച്ച ശേഷമാണ് ദിലീപ് മടങ്ങിയത്. സാധാരണ ഭക്തർക്കായുള്ള ക്യൂ ഒഴിവാക്കി, പോലീസുകാർക്കൊപ്പം ദർശനത്തിനായി എത്തുന്ന ദൃശ്യങ്ങൾ പുറത്തുവന്നത് വിവാദമായിരുന്നു.

അതേസമയം, സന്നിധാനത്ത് വൻ ഭക്തജന തിരക്ക് തുടരുകയാണ്. ഇന്നലെ രാത്രി 9 മണി വരെ 74,974 പേർ ദർശനം നടത്തിയതായി കണക്കുകൾ സൂചിപ്പിക്കുന്നു. ഇതിൽ 13,790 പേർ സ്പോട്ട് ബുക്കിങ് വഴി എത്തിയവരാണ്. അത്താഴ പൂജ കഴിഞ്ഞപ്പോൾ പതിനെട്ടാം പടി കയറാനുള്ള ഭക്തരുടെ നിര വലിയ നടപ്പന്തലും പിന്നിട്ട് ശരംകുത്തി ഭാഗത്തേക്ക് നീണ്ടു. ഈ സാഹചര്യത്തിൽ, വി.ഐ.പി പരിഗണന നൽകിയ സംഭവം കൂടുതൽ വിവാദമാകുകയാണ്.

ശബരിമല സ്വർണ്ണ കവർച്ച: തന്നെ കുടുക്കിയതാണെന്ന് ഉണ്ണികൃഷ്ണൻ പോറ്റി

Story Highlights: High Court criticised actor Dileep’s VIP treatment at Sabarimala, demands explanation from Devaswom Board

ശബരിമല മേൽശാന്തിയുടെ സഹായികളുടെ വിവരങ്ങൾ നൽകാൻ ഹൈക്കോടതിയുടെ നിർദ്ദേശം