Sabarimala VIP Darshan Controversy: Devaswom Board Takes Action

ശബരിമലയിൽ നടൻ ദിലീപിന് വിഐപി ദർശനം അനുവദിച്ചതുമായി ബന്ധപ്പെട്ട വിവാദത്തിൽ തിരുവിതാംകൂർ ദേവസ്വം ബോർഡ് കർശന നടപടികൾ സ്വീകരിക്കാൻ തീരുമാനിച്ചു. നാലു ജീവനക്കാർക്കെതിരെ കാരണം കാണിക്കൽ നോട്ടീസ് നൽകാനാണ് ബോർഡ് തീരുമാനിച്ചിരിക്കുന്നത്. അസിസ്റ്റന്റ് എക്സിക്യൂട്ടീവ് ഓഫീസർ, അഡ്മിനിസ്ട്രേറ്റീവ് ഓഫീസർ, രണ്ട് ഗാർഡുമാർ എന്നിവർക്കാണ് നോട്ടീസ് നൽകുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ വിഷയത്തിൽ ഹൈക്കോടതിയിൽ നിന്നുൾപ്പെടെ രൂക്ഷവിമർശനം ഉയർന്ന സാഹചര്യത്തിലാണ് ദേവസ്വം ബോർഡ് ഈ നടപടിക്ക് ഒരുങ്ങുന്നത്. നാലു ജീവനക്കാരോട് വിശദീകരണം തേടിയ ശേഷം കർശന നടപടി സ്വീകരിക്കുമെന്ന് ബോർഡ് അറിയിച്ചു. ശബരിമല എക്സിക്യൂട്ടീവ് ഓഫീസർ ഇതുസംബന്ധിച്ച് വിശദമായ റിപ്പോർട്ട് ബോർഡിന് കൈമാറിയിട്ടുണ്ട്.

ഹരിവരാസനം പാടുന്ന സമയത്താണ് ദിലീപിന് വിഐപി ദർശനത്തിന് അവസരമൊരുക്കിയത്. പത്തു മിനിറ്റിലേറെ മുൻനിരയിൽ നിന്ന് ദർശനം നടത്തിയ നടൻ മറ്റ് ഭക്തരുടെ ദർശനത്തിനും ക്യൂ നീങ്ങുന്നതിനും തടസ്സമുണ്ടാക്കിയെന്ന ആരോപണം ഉയർന്നിരുന്നു. ഹരിവരാസനം സമയത്ത് പരമാവധി ഭക്തർക്ക് ദർശനം നൽകാനാണ് ശ്രമിക്കേണ്ടതെന്ന് ഹൈക്കോടതി ഓർമിപ്പിച്ചിരുന്നു. കുട്ടികൾക്കും സ്ത്രീകൾക്കും ദർശനത്തിന് മതിയായ സൗകര്യം ലഭിക്കണമെന്നും കോടതി നിർദേശിച്ചു. തിരുവിതാംകൂർ ദേവസ്വം ബോർഡ് സത്യവാങ്മൂലം നൽകാനും കോടതി ഇടക്കാല ഉത്തരവ് പുറപ്പെടുവിച്ചിട്ടുണ്ട്.

ശബരിമല സ്വർണ്ണപ്പാളി വിവാദം: സർക്കാരിനെതിരെ ഗുരുതര ആരോപണങ്ങളുമായി വി.ഡി. സതീശൻ

Story Highlights: Travancore Devaswom Board takes strict action against officials involved in actor Dileep’s VIP darshan controversy at Sabarimala.

രാഷ്ട്രപതി ദ്രൗപദി മുർമുവിന്റെ ശബരിമല സന്ദർശന തീയതി അടുത്തയാഴ്ച തീരുമാനമാകും