Sabarimala pilgrimage: More spot booking counters at Pamba

ശബരിമല തീർത്ഥാടകർക്കായി പമ്പയിലെ സ്പോട്ട് ബുക്കിംഗ് കൗണ്ടറുകളുടെ എണ്ണം വർധിപ്പിക്കാൻ തീരുമാനിച്ചു. ദേവസ്വം മന്ത്രി വി.എൻ. വാസവന്റെ നേതൃത്വത്തിൽ പത്തനംതിട്ടയിൽ ചേർന്ന അവലോകന യോഗത്തിലാണ് ഈ നിർണായക തീരുമാനമെടുത്തത്. നിലവിലുള്ള ഏഴ് കൗണ്ടറുകൾ പത്താക്കി ഉയർത്തുമെന്നും, 60 വയസ്സിനു മുകളിലുള്ളവർക്കായി പ്രത്യേക കൗണ്ടർ തുറക്കുമെന്നും യോഗത്തിൽ വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മണ്ഡലകാല സീസൺ കാര്യമായ പ്രശ്നങ്ങളില്ലാതെ പൂർത്തിയാക്കിയതിന്റെ ആശ്വാസത്തിലാണ് സംസ്ഥാന സർക്കാർ. മുൻ വർഷങ്ങളെ അപേക്ഷിച്ച് തീർത്ഥാടകരുടെ എണ്ണത്തിൽ വലിയ വർധനവുണ്ടായിട്ടും കാര്യമായ പരാതികൾ ഉയർന്നിട്ടില്ല. ഒരു ലക്ഷത്തിലേറെ തീർത്ഥാടകർ വന്ന ദിവസങ്ങളിൽ പോലും എല്ലാവർക്കും ദർശനം ഉറപ്പാക്കാൻ കഴിഞ്ഞതായി മന്ത്രി വി.എൻ. വാസവൻ അഭിപ്രായപ്പെട്ടു.

കാലേകൂട്ടി നടത്തിയ തയാറെടുപ്പുകളുടെയും കൂട്ടായ പ്രവർത്തനങ്ങളുടെയും ഫലമാണ് പരാതിരഹിതമായ മണ്ഡലതീർഥാടനകാലമെന്ന് മന്ത്രി വ്യക്തമാക്കി. പതിനെട്ടാം പടിയിൽ ഒരു മിനിട്ടിൽ 85-90 പേർ കയറുന്ന സാഹചര്യം സൃഷ്ടിക്കാനായത് ദർശനം സുഗമമാക്കാൻ സഹായിച്ചു. സംസ്ഥാന സർക്കാരും ദേവസ്വം ബോർഡും സന്നദ്ധസംഘടനകളെക്കൂടി ഉൾപ്പെടുത്തി കാലേകൂട്ടി ചർച്ചകൾ നടത്തിയിരുന്നുവെന്നും മന്ത്രി കൂട്ടിച്ചേർത്തു.

സംസ്ഥാനത്ത് പൊലീസ് അതിക്രമം വ്യാപകമെന്ന് കോൺഗ്രസ്; ബിജെപി നേതാവിനെ മർദിച്ച സംഭവം ഒതുക്കിയെന്ന് ആരോപണം

ഡിസംബർ 30-ന് വൈകിട്ടാണ് മകരവിളക്ക് മഹോത്സവത്തിനായി ശബരിമല നട വീണ്ടും തുറക്കുന്നത്. ജനുവരി 14-നാണ് മകരവിളക്ക് മഹോത്സവം നടക്കുക. വരുമാനത്തിലും ഗണ്യമായ വർധനയുണ്ടായതോടെ തിരുവിതാംകൂർ ദേവസ്വം ബോർഡും സന്തോഷത്തിലാണ്. മണ്ഡലപൂജ ക്രമീകരണങ്ങളും മകരവിളക്ക് ഒരുക്കങ്ങളും വിലയിരുത്താൻ ശബരിമല സന്നിധാനത്ത് സന്ദർശനം നടത്തിയ മന്ത്രി, എല്ലാ അയ്യപ്പഭക്തന്മാർക്കും സംതൃപ്തികരമായ ദർശനം ഉറപ്പാക്കാൻ കഴിഞ്ഞതിൽ സന്തോഷം പ്രകടിപ്പിച്ചു.

Story Highlights: Sabarimala spot booking counters to be increased for pilgrims

ശബരിമലയിലെ സ്വർണ്ണപ്പാളി: ഹൈക്കോടതി ഉത്തരവിനെതിരെ ദേവസ്വം ബോർഡ് പുനഃപരിശോധന ഹർജി നൽകും