CPI newspaper criticizes government over Sabarimala spot booking

ശബരിമലയിലെ സ്പോട്ട് ബുക്കിങ് ഒഴിവാക്കിയതിനെ ചൊല്ലി സിപിഐ മുഖപത്രമായ ജനയുഗം ദേവസ്വം മന്ത്രി വി എൻ വാസവനേയും സർക്കാരിനേയും കടുത്ത വിമർശനത്തിന് വിധേയമാക്കി. ശബരിമല വിഷയത്തിൽ ഒരിക്കൽ കൈപൊള്ളിയിട്ടും പാഠം പഠിക്കാത്തതിനെയാണ് ജനയുഗം വിമർശിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ദർശനത്തിന് സ്പോട്ട് ബുക്കിങ് അനുവദിക്കണമെന്ന് ലേഖനത്തിൽ ആവശ്യപ്പെടുകയും ചെയ്തു. സെൻസിറ്റീവ് ആയ വിഷയങ്ങളിലെ കടുംപിടുത്തം ആപത്തിലേക്ക് നയിക്കുമെന്ന് ജനയുഗം മുന്നറിയിപ്പ് നൽകി.

ദുശാഠ്യങ്ങൾ ശത്രു വർഗ്ഗത്തിന് ആയുധമാക്കരുതെന്നും ലേഖനത്തിൽ പറയുന്നു. സ്പോട്ട് ബുക്കിങ് പൂർണമായി ഒഴിവാക്കിയാൽ രാഷ്ട്രീയമായി തിരിച്ചടി ഉണ്ടാകുമെന്ന ഇടതുമുന്നണിയിലെ വിലയിരുത്തലിന്റെ പ്രതിഫലനമാണ് ഈ ലേഖനമെന്ന് വിലയിരുത്തപ്പെടുന്നു.

ശബരിമല വിഷയത്തിന്റെ ഓർമ്മയെങ്കിലും വാസവൻ മന്ത്രിക്ക് വേണ്ടേയെന്ന് ചോദിച്ച ജനയുഗം, സ്പോട്ട് ബുക്കിങ് ഒഴിവാക്കിയതുമായി ബന്ധപ്പെട്ട വിവാദങ്ങൾക്കിടെ തിരുവിതാംകൂർ ദേവസ്വം ബോർഡ് യോഗം ചേരുമെന്നും റിപ്പോർട്ട് ചെയ്തു. ശബരിമല ദർശനത്തിന് വെർച്വൽ ക്യൂ മാത്രമെന്ന സർക്കാർ തീരുമാനം പുനരാലോചിക്കുമെന്നും, മുഖ്യമന്ത്രിയുടെ നിർദ്ദേശപ്രകാരമായിരിക്കും തീരുമാനമെടുക്കുകയെന്നും ലേഖനത്തിൽ സൂചിപ്പിക്കുന്നു.

ശബരിമല നട നാളെ തുറക്കും

സ്പോട്ട് ബുക്കിങ്ങിനു പകരം ബദൽ സംവിധാനം ഏർപ്പെടുത്തുമെന്ന് മന്ത്രി വിഎൻ വാസവൻ വ്യക്തമാക്കിയതായും, ഇടത്താവളങ്ങളിൽ കൂടുതൽ അക്ഷയ കേന്ദ്രങ്ങൾ ഭക്തർക്കായി ഒരുക്കുമെന്നും റിപ്പോർട്ടിൽ പറയുന്നു.

Story Highlights: CPI newspaper Janayugom criticizes government and Devaswom Minister over Sabarimala spot booking cancellation

ശബരിമല നട തുറന്നു; മേടവിഷു, വിഷു പൂജകൾക്ക് ഒരുക്കം