സന്നിധാനത്തെത്തുന്ന മുതിർന്ന അയ്യപ്പന്മാർ, മാളികപ്പുറങ്ങൾ, കുഞ്ഞുങ്ങൾ, അംഗപരിമിതർ എന്നിവർക്ക് പ്രത്യേക പരിഗണന നൽകുന്നുണ്ട്. വലിയ നടപ്പന്തലിൽ ഇവർക്കായി ഒരു പ്രത്യേക വരി ഒരുക്കിയിട്ടുണ്ട്. പതിനെട്ടാംപടി കയറിയെത്തുമ്പോൾ ഫ്‌ളൈ ഓവർ വഴിയല്ലാതെ നേരിട്ട് ദർശനത്തിന് അനുവദിക്കുന്നുണ്ട്. കൊച്ചുകുട്ടികൾക്കൊപ്പം മുതിർന്ന ഒരാളെയും നേരിട്ട് ദർശനത്തിനായി കടത്തിവിടുന്നുമുണ്ട്.
ഈ സൗകര്യങ്ങളെക്കുറിച്ച് അറിയാത്ത പലരും ഫ്‌ലൈ ഓവർ വഴിയാണ് പോകാറുള്ളത്. സംഘമായി എത്തുന്ന ഭക്തർ കൂട്ടം തെറ്റിപ്പോകുമോ എന്ന ഭയത്താൽ പലപ്പോഴും ഇത്തരം സൗകര്യങ്ങൾ പ്രയോജനപ്പെടുത്താൻ മടിക്കുന്നതായി പൊലീസ് അറിയിച്ചു. ചോറൂണിനുൾപ്പെടെ കൊച്ചുകുട്ടികളുമായി ഒട്ടേറെ ഭക്തരാണ് സന്നിധാനത്തിലെത്തുന്നത്.
പതിനെട്ടാംപടി കയറുന്ന അവസരത്തിലും കുഞ്ഞുങ്ങൾക്കും ഭിന്നശേഷിക്കാർക്കും പ്രായമായവർക്കും പ്രത്യേക ശ്രദ്ധ നൽകുന്നുവെന്ന് പൊലീസ് അറിയിച്ചു. ഇക്കാര്യങ്ങൾ അറിയാത്ത പലരും ഫ്‌ലൈ ഓവർ വഴിയും പോകാറുണ്ട്. എന്നാൽ, ഈ പ്രത്യേക സൗകര്യങ്ങൾ പ്രയോജനപ്പെടുത്തുന്നത് വഴി കുഞ്ഞുങ്ങൾക്കും മറ്റും കൂടുതൽ സുഗമമായി ദർശനം നടത്താൻ സാധിക്കും.
Story Highlights: Special arrangements for elderly, children, and disabled devotees at Sabarimala
