Sabarimala pilgrims' bus accident in Erumely, devotee dies at shrine

എരുമേലി അട്ടിവളവില് ശബരിമല തീര്ത്ഥാടകരുടെ മിനി ബസ് മറിഞ്ഞ് അപകടമുണ്ടായി. തമിഴ്നാട് സ്വദേശികള് സഞ്ചരിച്ച വാഹനമാണ് അപകടത്തില്പ്പെട്ടത്. മൂന്ന് പേര്ക്ക് പരിക്കേറ്റെങ്കിലും ആരുടെയും പരിക്ക് ഗുരുതരമല്ല. പരിക്കേറ്റവരെ എരുമേലി ഗവണ്മെന്റ് ആശുപത്രിയിലേക്ക് കൊണ്ടുപോയി. രാത്രി എട്ടരയോടെയാണ് അപകടമുണ്ടായത്. മോട്ടര് വാഹന വകുപ്പിന്റെ പെട്രോളിങ് സംഘമാണ് രക്ഷാ പ്രവര്ത്തനം നടത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അതേസമയം, ശബരിമലയില് തീര്ത്ഥാടകന് കുഴഞ്ഞുവീണ് മരിച്ച സംഭവവും റിപ്പോര്ട്ട് ചെയ്യപ്പെട്ടു. ആന്ധ്രാ സ്വദേശി മുരുകാചാരി (41) ആണ് മരിച്ചത്. പമ്പയില് നിന്ന് സന്നിധാനത്തേക്ക് മല കയറുന്നതിനിടെ കുഴഞ്ഞുവീഴുകയായിരുന്നു. വൈകിട്ട് 5 മണിക്കാണ് സംഭവം ഉണ്ടായത്. പമ്പാ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.

ശബരിമല സന്നിധാനത്തേക്ക് തീര്ഥാടക പ്രവാഹം തുടരുകയാണ്. നവംബര് മാസത്തെ വെര്ച്വല് ബുക്കിങ് സ്ലോട്ടുകളെല്ലാം നിറഞ്ഞു കഴിഞ്ഞു. ഇതുവരെ ഒന്നേകാല് ലക്ഷത്തിലധികം തീര്ഥാടകരാണ് ദര്ശനം നടത്തിയത്. ഇന്നലെ എഴുപതിനായിരം പേര് ബുക്ക് ചെയ്തതില് 66,795 പേര് ദര്ശനത്തിനെത്തി. പരമ്പരാഗത പാതകളായ പുല്ലുമേട്, കരിമല വഴിയും തീര്ഥാടകര് എത്തിത്തുടങ്ങി. കഴിഞ്ഞ മണ്ഡലകാലങ്ങളില് വൃശ്ചികം പന്ത്രണ്ടിന് ശേഷമാണ് സന്നിധാനത്ത് തിരക്കേറിയിരുന്നതെങ്കില് ഇക്കുറി ഓണ്ലൈന് ബുക്കിങ് കൂടുതല് കടുപ്പിച്ചതോടെ ആദ്യം ദിവസം മുതല് 70,000 സ്ലോട്ടുകളും നിറഞ്ഞു.

കൊഴുപ്പ് നീക്കൽ ശസ്ത്രക്രിയ: നിയമപോരാട്ടം തുടരുമെന്ന് കുടുംബം ; മുഖ്യമന്ത്രിയുടെ ഇടപെടൽ തേടി

Story Highlights: Sabarimala pilgrims’ bus overturns in Erumely, three injured; pilgrim dies at Sabarimala

സംസ്ഥാനത്ത് ഭക്ഷ്യ സുരക്ഷാ പരിശോധന ശക്തമാക്കി; നിരവധി സ്ഥാപനങ്ങൾക്ക് നോട്ടീസ്