Heavy Rain Impacts Sabarimala Pilgrimage: Authorities on Alert

ശബരിമലയിൽ കനത്ത മഴ പെയ്തതിനെ തുടർന്ന് തീർത്ഥാടകരുടെ എണ്ണത്തിൽ ഗണ്യമായ കുറവുണ്ടായി. രാവിലെ പത്തുമണി വരെയുള്ള കണക്കനുസരിച്ച് 28,230 തീർത്ഥാടകർ മാത്രമാണ് സന്നിധാനത്ത് എത്തിയത്. സാധാരണ ഗതിയിൽ മണിക്കൂറിൽ 20,000 മുതൽ 25,000 വരെ തീർത്ഥാടകർ എത്താറുള്ളപ്പോൾ, ഇപ്പോൾ അതിൽ താഴെയാണ് എണ്ണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പമ്പയിൽ നിന്നും സന്നിധാനത്തേക്കുള്ള യാത്രയിലും മഴ വലിയ തടസ്സമായി. എന്നിരുന്നാലും, പുലർച്ചെ മൂന്നു മണിക്ക് നട തുറന്നപ്പോൾ വലിയ നടപ്പന്തൽ തീർത്ഥാടകരാൽ നിറഞ്ഞിരുന്നു. അഞ്ചു മണിയോടെ ക്യൂ നിന്നവരെല്ലാം ദർശനം നടത്തി. തുടർന്നെത്തിയവർക്ക് കാത്തുനിൽക്കാതെ തന്നെ ദർശനം സാധ്യമായി.

നീലിമല, അപ്പാച്ചിമേട് വഴിയാണ് പമ്പയിൽ നിന്ന് സന്നിധാനത്തേക്ക് തീർത്ഥാടകരെ കടത്തിവിടുന്നത്. നീലിമല പാതയിൽ 18 നടപ്പന്തലുകൾ സ്ഥാപിച്ചിട്ടുണ്ട്. മരക്കൂട്ടം മുതൽ ശരംകുത്തി വഴി ക്യൂ കോംപ്ലക്സും ഉള്ളതിനാൽ മഴ നനയാതെ കയറാൻ സാധിക്കും. എന്നാൽ, തിരിച്ചുള്ള യാത്രയിൽ പമ്പയിലെത്തുന്നതുവരെ മഴ നനയേണ്ടി വരും.

ഷാഫി പറമ്പിലിനെതിരായ പൊലീസ് അതിക്രമം; സർക്കാരിനെതിരെ കെ.എം.അഭിജിത്ത്

മഴ കാരണം പമ്പാ നദിയിലെ ജലനിരപ്പ് ഉയരാനുള്ള സാധ്യത കണക്കിലെടുത്ത് ദുരന്ത നിവാരണത്തിനുള്ള എല്ലാ മുൻകരുതലുകളും സ്വീകരിച്ചിട്ടുണ്ട്. ആറാട്ട് കടവ് തടയണയിലെ വെള്ളം തുറന്നുവിട്ട് ജലനിരപ്പ് നിയന്ത്രിച്ചു. ജലസേചന വകുപ്പ് ഉദ്യോഗസ്ഥരുടെ നിരീക്ഷണവും ശക്തമാക്കി. ദേശീയ ദുരന്ത നിവാരണ സേന, ദ്രുതകർമ സേന, അഗ്നി രക്ഷാ സേന, പൊലീസ് എന്നിവരും പമ്പയിൽ ജാഗ്രത പാലിക്കുന്നുണ്ട്.

Story Highlights: Heavy rain in Sabarimala reduces pilgrim rush, authorities take precautionary measures

ശബരിമല കട്ടിളപ്പാളി കേസ്: ഉണ്ണികൃഷ്ണൻ പോറ്റി വിശ്വാസവഞ്ചന നടത്തിയെന്ന് റിപ്പോർട്ട്; അന്വേഷണം ദേവസ്വം തലപ്പത്തേക്ക്