പത്തനംതിട്ട◾: ശബരിമല സ്വർണക്കൊള്ളയുമായി ബന്ധപ്പെട്ട് അന്വേഷണം ശക്തമാക്കുന്നു. കേസിൽ മുൻ ദേവസ്വം പ്രസിഡന്റ് എ. പത്മകുമാറിനെ സ്പെഷ്യൽ ഇൻവെസ്റ്റിഗേഷൻ ടീം (എസ്.ഐ.ടി) ഉടൻ ചോദ്യം ചെയ്യും. ഇതിനിടെ അറസ്റ്റിലായ തിരുവിതാംകൂർ ദേവസ്വം മുൻ പ്രസിഡന്റ് എൻ. വാസു റിമാൻഡിലാണ്.
മുൻ ശബരിമല എക്സിക്യൂട്ടീവ് ഓഫീസർ സുധീഷ് കുമാറിനെ ഇന്ന് പത്തനംതിട്ട മജിസ്ട്രേറ്റ് കോടതിയിൽ ഹാജരാക്കും. എസ്.ഐ.ടി കസ്റ്റഡിയിലുള്ള ഇയാളെ കൂടുതൽ ചോദ്യം ചെയ്യലിന് ശേഷം കോടതിയിൽ എത്തിക്കും. അതേസമയം, റിമാൻഡിലുള്ള മുരാരി ബാബുവിന്റെ ജാമ്യാപേക്ഷ റാന്നി മജിസ്ട്രേറ്റ് കോടതി പിന്നീട് പരിഗണിക്കും. കൊട്ടാരക്കര ജയിലിലേക്ക് മാറ്റിയ എൻ. വാസുവിനെ കസ്റ്റഡിയിൽ വാങ്ങുന്നതിനുള്ള അപേക്ഷയും ഉടൻ സമർപ്പിക്കും.
എൻ. വാസുവിനെതിരായ റിമാൻഡ് റിപ്പോർട്ടിൽ ഗുരുതരമായ ആരോപണങ്ങളാണ് എസ്.ഐ.ടി കോടതിയിൽ സമർപ്പിച്ചത്. രേഖകളിൽ സ്വർണം പൊതിഞ്ഞ പാളികൾ എന്നത് ഒഴിവാക്കി ചെമ്പ് പാളികൾ എന്ന് തിരുത്തി അദ്ദേഹം നവീകരണത്തിന് ശുപാർശ നൽകി. ഇതിലൂടെ ബോർഡിന് നഷ്ടവും പ്രതികൾക്ക് ലാഭവും ഉണ്ടായി എന്നും റിപ്പോർട്ടിൽ പറയുന്നു. ഉണ്ണികൃഷ്ണൻ പോറ്റിയുടെ കൈവശം സ്വർണം കൊടുത്തുവിടാൻ വാസു ഇടപെട്ടെന്നും മറ്റ് പ്രതികളുമായി ചേർന്ന് ഗൂഢാലോചന നടത്തിയെന്നും എസ്.ഐ.ടി കോടതിയെ അറിയിച്ചു.
മുൻ എക്സിക്യൂട്ടീവ് ഓഫീസർ സുധീഷ് കുമാറിൻ്റെ മൊഴിയാണ് വാസുവിനെ കുടുക്കിയത്. ഗൂഢാലോചന തെളിഞ്ഞിട്ടുണ്ടെന്നും എസ്.ഐ.ടി വ്യക്തമാക്കി. അതേസമയം, മാധ്യമങ്ങളോട് പ്രതികരിക്കവെ തനിക്ക് ഒന്നും പറയാനില്ലെന്ന് എൻ. വാസു പറഞ്ഞു.
ശബരിമല സ്വർണക്കൊള്ളയിൽ ദേവസ്വം ബോർഡ് മുൻ പ്രസിഡന്റ് എൻ. വാസുവിൻ്റെ അറസ്റ്റ് രാഷ്ട്രീയമായി ഉപയോഗിക്കാൻ കോൺഗ്രസ് തീരുമാനിച്ചു. ഇതിന്റെ ഭാഗമായി ഇന്ന് സെക്രട്ടറിയേറ്റിലേക്ക് പ്രതിഷേധ മാർച്ച് നടത്തും. രാവിലെ 10 മണിക്ക് ആശാൻ സ്ക്വയറിൽ നിന്നാരംഭിക്കുന്ന മാർച്ച് എഐസിസി ജനറൽ സെക്രട്ടറി കെ.സി. വേണുഗോപാൽ ഉദ്ഘാടനം ചെയ്യും.
കെപിസിസി പ്രസിഡന്റ് സണ്ണി ജോസഫ് എംഎൽഎ, പ്രതിപക്ഷ നേതാവ് വി.ഡി. സതീശൻ, എഐസിസി ജനറൽ സെക്രട്ടറി ദീപാദാസ് മുൻഷി, രമേശ് ചെന്നിത്തല, കൊടിക്കുന്നിൽ സുരേഷ്, യുഡിഎഫ് കൺവീനർ അടൂർ പ്രകാശ്, മുൻ കെപിസിസി പ്രസിഡന്റുമാർ, കെപിസിസി രാഷ്ട്രീയകാര്യ സമിതി അംഗങ്ങൾ, കെപിസിസി ഭാരവാഹികൾ, എംപിമാർ തുടങ്ങിയ പ്രമുഖ നേതാക്കൾ മാർച്ചിൽ പങ്കെടുക്കും. സംഭവത്തിൽ ശക്തമായ പ്രതിഷേധം ഉയർത്താനാണ് കോൺഗ്രസ് ലക്ഷ്യമിടുന്നത്.
Story Highlights : Sabarimala gold theft; A Padmakumar to be questioned soon
ശബരിമലയിൽ ഭക്തജന തിരക്ക് വർധിച്ചു. വെർച്വൽ ക്യൂ വഴി 62503 പേർ ദർശനം Read more
രാഹുൽ മാങ്കൂട്ടത്തിലിനെതിരായ നടപടി പാർട്ടിയുടെ തീരുമാനമാണെന്നും ഇനി നിയമപരമായ കാര്യങ്ങളാണ് ബാക്കിയുള്ളതെന്നും ഷാഫി Read more
തദ്ദേശ തിരഞ്ഞെടുപ്പിൽ ശബരിമല വിഷയം പ്രചാരണ വിഷയമാക്കില്ലെന്ന് സുരേഷ് ഗോപി. ശബരിമലയിലെ അടിസ്ഥാന Read more
ശബരിമല സ്വർണ്ണക്കൊള്ള കേസിൽ തന്ത്രിമാരുടെ മൊഴി വീണ്ടും രേഖപ്പെടുത്തും. ഉന്നതരിലേക്ക് അന്വേഷണം നീങ്ങണമെന്ന Read more
ശബരിമലയിൽ തീർഥാടകരുടെ എണ്ണം വർധിക്കുന്ന സാഹചര്യത്തിൽ സുരക്ഷാ ക്രമീകരണങ്ങൾ ശക്തമാക്കി. പ്രതിദിനം 80,000-ൽ Read more
ശബരിമലയിൽ ഡിസംബർ 5, 6 തീയതികളിൽ സുരക്ഷാ ക്രമീകരണങ്ങൾ ശക്തമാക്കി. സന്നിധാനം, പമ്പ, Read more
ശബരിമല സ്വർണക്കൊള്ള കേസിൽ മുൻ ദേവസ്വം കമ്മീഷണർ എൻ.വാസു ഹൈക്കോടതിയിൽ ജാമ്യാപേക്ഷ നൽകി. Read more
യുഡിഎഫ് മൗദൂദിയുടെ ഇസ്ലാമിക ലോകം എന്ന ആശയത്തെ പിന്തുണയ്ക്കുന്നുവെന്ന് സി.പി.ഐ.എം സംസ്ഥാന സെക്രട്ടറി Read more
ശബരിമല സ്വർണ്ണ കവർച്ചയിൽ പ്രതികളെ സി.പി.ഐ.എം സംരക്ഷിക്കുന്നുവെന്ന് കെ.പി.സി.സി സംസ്ഥാന അധ്യക്ഷൻ സണ്ണി Read more
ശബരിമല സ്വർണക്കൊള്ള കേസിൽ പ്രതികരണവുമായി മുഖ്യമന്ത്രി പിണറായി വിജയൻ. തെറ്റ് ചെയ്തവരെ സംരക്ഷിക്കില്ലെന്ന് Read more
