ശബരിമല◾: ശബരിമലയിലെ സ്വർണ്ണക്കൊള്ളയുമായി ബന്ധപ്പെട്ട് ദേവസ്വം ബോർഡിന്റെ ഭാഗത്തുനിന്നുണ്ടായ വീഴ്ചകൾ എണ്ണിപ്പറഞ്ഞ് അന്വേഷണ റിപ്പോർട്ട്. സ്വർണ്ണക്കൊള്ളയെക്കുറിച്ച് ദേവസ്വം ബോർഡ് അറിഞ്ഞില്ലെന്ന് വിശ്വസിക്കാൻ സാധിക്കില്ലെന്ന് റിപ്പോർട്ടിൽ പറയുന്നു. ഹൈക്കോടതിയിൽ സമർപ്പിച്ച ദേവസ്വം വിജിലൻസിന്റെ റിപ്പോർട്ടിലാണ് ഈ പരാമർശങ്ങളുള്ളത്. ബോർഡ് അധികാരികളുടെ പ്രേരണയോ സമ്മർദ്ദമോ ഇതിനു പിന്നിലുണ്ടോയെന്ന് ഗൗരവമായി അന്വേഷിക്കണമെന്നും, നിരവധി ഉദ്യോഗസ്ഥർക്കെതിരെ നടപടി വേണമെന്നും റിപ്പോർട്ടിൽ ആവശ്യപ്പെടുന്നു.
റിപ്പോർട്ടിൽ ഉദ്യോഗസ്ഥരുടെ വീഴ്ചകൾ കൃത്യമായി ചൂണ്ടിക്കാണിക്കുന്നതോടൊപ്പം അന്നത്തെ ദേവസ്വം ബോർഡിനെയും സംശയിക്കുന്നുണ്ട്. ദേവസ്വം മാന്വലും ചട്ടങ്ങളും നിലനിൽക്കെത്തന്നെ, ദ്വാരപാലക ശിൽപങ്ങളുടെ ഭാഗങ്ങൾ 49 ദിവസത്തിനു ശേഷം മാത്രമാണ് ഉണ്ണികൃഷ്ണൻ പോറ്റി തിരിച്ചെത്തിച്ചത്. ഉദ്യോഗസ്ഥർ നിയമവിരുദ്ധമായി പ്രവർത്തിച്ച ഈ വിവരം ദേവസ്വം ബോർഡ് അധികാരികൾ അറിഞ്ഞില്ലെന്ന് കരുതാൻ സാധ്യമല്ല. മാത്രമല്ല, ഉദ്യോഗസ്ഥർക്ക് ഇതിൽ സ്വന്തം താൽപര്യങ്ങളുണ്ടായിരുന്നോ എന്നും സംശയമുണ്ട്.
2019-ലെ ബോർഡ് അധികാരികളുടെ പ്രേരണയോ സമ്മർദ്ദമോ ഇതിനു പിന്നിലുണ്ടോയെന്ന് അന്വേഷിക്കണമെന്നും റിപ്പോർട്ടിൽ പറയുന്നു. ദ്വാരപാലക ശിൽപ പാളികൾ നിയമവിരുദ്ധമായി ഉണ്ണികൃഷ്ണൻ പോറ്റി ശബരിമലയ്ക്ക് പുറത്ത് കൊണ്ടുപോയി സ്വർണം പൂശാൻ ഇടയായത് 2019-ലെ ബോർഡിന്റെ വീഴ്ചയാണെന്നും, ഇതിൽ ബോർഡ് അംഗങ്ങൾക്കെതിരെ നടപടി വേണമെന്നും റിപ്പോർട്ടിൽ പറയുന്നു. അന്നത്തെ അഡ്മിനിസ്ട്രേറ്റീവ് ഓഫീസർ മുരാരി ബാബുവിന്റെ പേര് റിപ്പോർട്ടിൽ എടുത്തു പറയുന്നുണ്ട്.
മുരാരി ബാബു ദ്വാരപാലക ശിൽപങ്ങളിലെ പാളി സ്വർണ്ണപ്പാളിയാണെന്ന് അറിഞ്ഞിട്ടും ചെമ്പുതകിടുകൾ എന്ന് രേഖപ്പെടുത്തി ബോർഡിന് വസ്തുതാവിരുദ്ധമായ ശുപാർശ നൽകി. ഉണ്ണികൃഷ്ണൻ പോറ്റിക്ക് പാളി കൊടുത്തുവിടാനുള്ള അനുമതി നൽകിയത് മുരാരി ബാബുവാണ്. സ്പോൺസർ ഉണ്ണികൃഷ്ണൻ പോറ്റിക്ക് ചെമ്പ് പാളി എന്ന് രേഖപ്പെടുത്തി കത്ത് കൈമാറിയതിൽ മുൻ എക്സിക്യൂട്ടീവ് ഓഫീസർ സുധീഷ് കുമാറിനും പങ്കുണ്ടെന്ന് റിപ്പോർട്ടിൽ പറയുന്നു.
ഉണ്ണികൃഷ്ണൻ പോറ്റിക്ക് സ്വർണം കൈവശപ്പെടുത്താൻ സുധീഷ് കുമാറിൻ്റെ ഉത്തരവ് കാരണമായി. മഹസർ എഴുതിയ സമയം സ്ഥലത്തില്ലാതിരുന്നവരുടെ പേര് മഹസറിൽ അശ്രദ്ധമായി രേഖപ്പെടുത്തി. ദ്വാരപാലക ശിൽപങ്ങൾ ഉണ്ണികൃഷ്ണൻ പോറ്റിക്ക് നൽകുന്നു എന്ന് മഹസറിൽ എഴുതി, അത് ഉണ്ണികൃഷ്ണൻ പോറ്റിയുടെ സുഹൃത്തുക്കൾക്ക് വിട്ടുകൊടുത്തു എന്നതാണ് സുധീഷ് കുമാറിൻ്റെ ഭാഗത്തുനിന്നുണ്ടായ വീഴ്ചയായി രേഖപ്പെടുത്തിയിരിക്കുന്നത്.
തിരുവിതാംകൂർ ദേവസ്വം ബോർഡ് സെക്രട്ടറിയായിരുന്ന എസ് ജയശ്രീ, അസിസ്റ്റന്റ് എഞ്ചിനീയർ കെ സുനിൽ കുമാർ, അഡ്മിനിസ്ട്രേറ്റീവ് ഓഫീസർ എസ് ശ്രീകുമാർ, മുൻ തിരുവാഭരണം കമ്മീഷണർ കെ എസ് ബൈജു, മുൻ തിരുവാഭരണം കമ്മീഷണർ ആർ ജി രാധാകൃഷ്ണൻ എന്നിവരുടെ വീഴ്ചകളും റിപ്പോർട്ടിൽ എണ്ണിപ്പറയുന്നു. സ്വർണം പൂശിയ ശേഷം ദ്വാരപാലക ശിൽപങ്ങൾ ഉണ്ണികൃഷ്ണൻ പോറ്റിയുടെ കൈവശം തന്നെ സൂക്ഷിക്കാൻ ഏൽപ്പിച്ചു. അതിനു ശേഷം പോറ്റി ഇത് ജയറാമിന്റെ വീട്ടിലടക്കം കൊണ്ടുപോയെന്നും, ചെന്നൈയിലെയും കർണാടകത്തിലേയും ചില ക്ഷേത്രങ്ങളിൽ ഇത് കൊണ്ടുവന്ന് വെച്ച് അന്യായമായി ലാഭമുണ്ടാക്കിയെന്നും ദേവസ്വം വിജിലൻസ് റിപ്പോർട്ടിൽ പറയുന്നു.
Story Highlights: The investigation report lists the lapses of the Devaswom Board in the Sabarimala gold robbery.
ശബരിമലയിൽ ഭക്തജന തിരക്ക് വർധിച്ചു. വെർച്വൽ ക്യൂ വഴി 62503 പേർ ദർശനം Read more
രാഹുൽ മാങ്കൂട്ടത്തിലിനെതിരായ നടപടി പാർട്ടിയുടെ തീരുമാനമാണെന്നും ഇനി നിയമപരമായ കാര്യങ്ങളാണ് ബാക്കിയുള്ളതെന്നും ഷാഫി Read more
തദ്ദേശ തിരഞ്ഞെടുപ്പിൽ ശബരിമല വിഷയം പ്രചാരണ വിഷയമാക്കില്ലെന്ന് സുരേഷ് ഗോപി. ശബരിമലയിലെ അടിസ്ഥാന Read more
ശബരിമല സ്വർണ്ണക്കൊള്ള കേസിൽ തന്ത്രിമാരുടെ മൊഴി വീണ്ടും രേഖപ്പെടുത്തും. ഉന്നതരിലേക്ക് അന്വേഷണം നീങ്ങണമെന്ന Read more
ശബരിമലയിൽ തീർഥാടകരുടെ എണ്ണം വർധിക്കുന്ന സാഹചര്യത്തിൽ സുരക്ഷാ ക്രമീകരണങ്ങൾ ശക്തമാക്കി. പ്രതിദിനം 80,000-ൽ Read more
ശബരിമലയിൽ ഡിസംബർ 5, 6 തീയതികളിൽ സുരക്ഷാ ക്രമീകരണങ്ങൾ ശക്തമാക്കി. സന്നിധാനം, പമ്പ, Read more
ശബരിമല സ്വർണക്കൊള്ള കേസിൽ മുൻ ദേവസ്വം കമ്മീഷണർ എൻ.വാസു ഹൈക്കോടതിയിൽ ജാമ്യാപേക്ഷ നൽകി. Read more
ശബരിമല സ്വർണ്ണ കവർച്ചയിൽ പ്രതികളെ സി.പി.ഐ.എം സംരക്ഷിക്കുന്നുവെന്ന് കെ.പി.സി.സി സംസ്ഥാന അധ്യക്ഷൻ സണ്ണി Read more
ശബരിമല സ്വർണക്കൊള്ള കേസിൽ പ്രതികരണവുമായി മുഖ്യമന്ത്രി പിണറായി വിജയൻ. തെറ്റ് ചെയ്തവരെ സംരക്ഷിക്കില്ലെന്ന് Read more
തിരുവിതാംകൂർ ദേവസ്വം ബോർഡ് പ്രസിഡന്റ് കെ. ജയകുമാറിനെ അയോഗ്യനാക്കണമെന്ന ഹർജിയിൽ കോടതി നോട്ടീസ് Read more
