Sabarimala Ayyappan Gold Lockets Released for Devotees

**ശബരിമല◾:** ശബരിമല ശ്രീകോവിലിൽ പൂജിച്ച അയ്യപ്പന്റെ ചിത്രം മുദ്രണം ചെയ്ത സ്വർണ്ണ ലോക്കറ്റുകൾ ഭക്തർക്ക് ലഭ്യമായിത്തുടങ്ങി. പ്ലാറ്റിനം ജൂബിലി വർഷത്തിൽ ഭക്തരുടെ ഏറെ നാളായുള്ള ആഗ്രഹം സഫലമാക്കിക്കൊണ്ടാണ് തിരുവിതാംകൂർ ദേവസ്വം ബോർഡ് ഈ സംരംഭത്തിന് തുടക്കമിട്ടത്. രണ്ട് ഗ്രാം, നാല് ഗ്രാം, എട്ട് ഗ്രാം എന്നിങ്ങനെ വ്യത്യസ്ത തൂക്കത്തിലാണ് ലോക്കറ്റുകൾ ലഭ്യമാക്കിയിരിക്കുന്നത്. വിഷു ദിനത്തിൽ ആദ്യ ലോക്കറ്റ് ആന്ധ്രാ സ്വദേശിയായ കൊബാഗെപ്പു മണിരത്നം ഏറ്റുവാങ്ങി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലോക്കറ്റുകൾ ഓൺലൈനിലൂടെ ബുക്ക് ചെയ്ത ഭക്തരിൽ നിന്നും തെരഞ്ഞെടുത്തവർക്കാണ് ആദ്യഘട്ടത്തിൽ വിതരണം ചെയ്തത്. മന്ത്രി വി.എൻ. വാസവൻ വിതരണോദ്ഘാടനം നിർവഹിച്ച ചടങ്ങിൽ തന്ത്രി കണ്ടരര് രാജീവര്, ദേവസ്വം ബോർഡ് പ്രസിഡന്റ് പി.എസ്. പ്രശാന്ത്, അംഗം അഡ്വ. എ. അജികുമാർ എന്നിവരും പങ്കെടുത്തു. WWW.sabarimalaonline.org എന്ന വെബ്സൈറ്റിലൂടെയാണ് ലോക്കറ്റുകൾ ബുക്ക് ചെയ്യേണ്ടത്.

രണ്ട് ഗ്രാം തൂക്കമുള്ള ലോക്കറ്റിന് 19,300 രൂപയും, നാല് ഗ്രാമിന് 38,600 രൂപയും, എട്ട് ഗ്രാമിന് 77,200 രൂപയുമാണ് വില. ശബരിമല സന്നിധാനത്തിലെ അഡ്മിനിസ്ട്രേറ്റീവ് ഓഫീസിൽ നിന്ന് ലോക്കറ്റുകൾ ഭക്തർക്ക് നേരിട്ട് കൈപ്പറ്റാവുന്നതാണ്. ബുക്കിംഗ് ആരംഭിച്ച് രണ്ട് ദിവസത്തിനകം തന്നെ നൂറോളം ഭക്തർ ലോക്കറ്റുകൾ ബുക്ക് ചെയ്തതായി റിപ്പോർട്ടുകൾ സൂചിപ്പിക്കുന്നു. തിരുവിതാംകൂർ ദേവസ്വം ബോർഡിന് ഈ പദ്ധതിയിലൂടെ വലിയ വരുമാനമാണ് ലഭിക്കുക.

കണ്ണൂരിലും ഇടുക്കിയിലും കുടുംബ ദുരന്തം: അമ്മയും മക്കളും കിണറ്റിൽ, നാലംഗ കുടുംബം തൂങ്ങിമരിച്ച നിലയിൽ

Story Highlights: Gold lockets featuring Lord Ayyappa’s image from Sabarimala temple are now available for devotees.

ലഹരിവിരുദ്ധ ക്യാമ്പയിൻ ശക്തമാക്കാൻ ഇന്ന് സർവകക്ഷിയോഗം