Sabarimala Witnesses Massive Devotee Rush, Special Police Squad Deployed

ശബരിമലയിൽ വൻ ഭക്തജന തിരക്കാണ് അനുഭവപ്പെടുന്നത്. ഇന്നലെ രാത്രി വരെയുള്ള കണക്കുകൾ പ്രകാരം 75,000 പേർ ദർശനം നടത്തിയതായി പൊലീസ് അറിയിച്ചു. മിനിറ്റിൽ 80 തീർഥാടകർ വീതമാണ് ദർശനം നടത്തുന്നത്. തീർഥാടകരുടെ സുരക്ഷയ്ക്കും സഹായത്തിനുമായി വൻ പോലീസ് സംഘം സന്നിധാനത്ത് പ്രവർത്തിക്കുന്നുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തീർഥാടന വഴികളിൽ പോക്കറ്റടി പോലുള്ള കുറ്റകൃത്യങ്ങൾ തടയാൻ പ്രത്യേക അനുഭവ പരിചയമുള്ള പൊലീസ് സ്ക്വാഡിനെ നിയോഗിച്ചതായി ശബരിമല സന്നിധാനം പൊലീസ് സ്പെഷ്യൽ ഓഫീസർ കെ.ഇ.ബൈജൂ അറിയിച്ചു. അയൽ സംസ്ഥാനങ്ങളിൽ നിന്നും പ്രവർത്തിച്ച് അനുഭവ പരിചയമുള്ള പൊലീസ് ഉദ്യോഗസ്ഥരടങ്ങിയ ടീമിനെയാണ് ഇതിനായി നിയോഗിച്ചിട്ടുള്ളത്. കുറ്റവാളികളെ എളുപ്പം തിരിച്ചറിയാനും നടപടികളെടുക്കാനും ഇതുവഴി കഴിയുമെന്ന് സ്പെഷ്യൽ ഓഫീസർ പറഞ്ഞു.

പതിനെട്ടാംപടിയിൽ ദേവസ്വം ബോർഡ് വരുത്തിയ മാറ്റങ്ങൾ ഏറെ ഗുണകരമായതായി സ്പെഷ്യൽ ഓഫീസർ അഭിപ്രായപ്പെട്ടു. 45 പോലീസുകാരെയാണ് പതിനെട്ടാംപടിയിൽ ഭക്തരെ സഹായിക്കുന്നതിനായി നിയോഗിച്ചിട്ടുള്ളത്. ഓരോ 15 മിനിറ്റിലും ഇവരെ മാറ്റിക്കൊണ്ടിരിക്കും. ലാഡർ സംവിധാനം ഏർപ്പെടുത്തിയതോടെ കൂടുതൽ ഭക്തരെ ഒരേ സമയം പടി കയറ്റി വിടാനാകുന്നുണ്ട്. സോപാനത്തിനു മുൻപിലെത്തി തൊഴുതശേഷം മുന്നോട്ടു നീങ്ങുന്ന ഭക്തരുടെ ഒഴുക്കിനെ തടസ്സപ്പെടുത്തുന്ന രീതിയിൽ എതിർ ദിശയിലെത്തി ആരെയും ദർശനത്തിനനുവദിക്കില്ലെന്നും അധികൃതർ അറിയിച്ചു.

ശബരിമലയിൽ തീർഥാടകത്തിരക്ക്; സുരക്ഷ ശക്തമാക്കി

Story Highlights: Sabarimala witnesses massive devotee rush with 75,000 pilgrims visiting in a day

ശബരിമലയിൽ വീണ്ടും തിരക്ക്; സുരക്ഷ ശക്തമാക്കി