Gujarat Floods: Road to Statue of Unity Damaged, Death Toll Rises

മഹാരാഷ്ട്രയിലെ ഛത്രപതി ശിവാജിയുടെ കൂറ്റൻ പ്രതിമ ഉദ്ഘാടനം കഴിഞ്ഞ് മാസങ്ങൾക്കുള്ളിൽ, ഗുജറാത്തിലെ ലോകത്തിലെ ഏറ്റവും ഉയരം കൂടിയ പ്രതിമയായ സർദാർ വല്ലഭായി പട്ടേലിന്റെ സ്റ്റാച്യു ഓഫ് യൂണിറ്റിയിലേക്കുള്ള റോഡ് തകർന്നു. ഗുജറാത്തിൽ കുറച്ചു ദിവസമായി പെയ്യുന്ന കനത്ത മഴയിലാണ് റോഡ് തവിടുപൊടിയായത്. പൊട്ടിപ്പൊളിഞ്ഞ് ഗതാഗത യോഗ്യമല്ലാതായ റോഡിന്റെ ദൃശ്യങ്ങൾ സമൂഹമാധ്യമങ്ങളിൽ വൈറലാണ്. സ്റ്റാച്യു ഓഫ് യൂണിറ്റി സന്ദർശിക്കുന്നവർ ഇതുവഴി പോകുന്നതിനാൽ ഈ റോഡ് തിരക്കേറിയതാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

2018 ഒക്ടോബർ 31നാണ് പ്രധാനമന്ത്രി ഏകതാ പ്രതിമ രാജ്യത്തിന് സമർപ്പിച്ചത്. 2989 കോടി രൂപയ്ക്കാണ് സർദാർ വല്ലഭായ് പട്ടേലിന്റെ പ്രതിമ നർമ്മദയുടെ തീരത്ത് പണിതുയർത്തിയത്. നാല് വർഷങ്ങൾ കൊണ്ടാണ് പ്രതിമയുടെ പണി പൂർത്തീകരിച്ചത്. താഴെനിന്നും ഈ പ്രതിമയുടെ ആകെ ഉയരം 240 മീറ്റർ ആണ്.

ഇതിൽ 182 മീറ്ററാണ് പട്ടേൽ ശില്പത്തിന്റെ ഉയരം. ഉരുക്കുകൊണ്ടുള്ള ഘടനയിൽ പ്രബലിത സിമന്റ് കോൺക്രീറ്റ് ഉപയോഗിച്ചാണ് പ്രതിമ നിർമ്മിച്ചിരിക്കുന്നത്. പുറമെ വെങ്കലംകൊണ്ട് പൊതിഞ്ഞിരിക്കുന്നു. അതിനിടെ ഗുജറാത്തിൽ കനത്ത മഴ തുടരുകയാണ്.

മഴക്കെടുതിയിൽ മരണം 35 കടന്നു. ദേവഭൂമി ദ്വാരക, ജാംനഗർ, പോർബന്തർ, രാജ്കോട്ട് എന്നിവിടങ്ങളിൽ അതിശക്തമായ മഴ തുടരുകയാണ്. കനത്ത മഴയിൽ രാജ്കോട്ട് വിമാനത്താവളത്തിന്റെ മതിൽ തകർന്നു. താഴ്ന്ന പ്രദേശങ്ങളെല്ലാം വെള്ളത്തിനടിയിലാണ്.

ശമ്പള വർദ്ധനവ് ആവശ്യപ്പെട്ട് സമരം ചെയ്ത 2000 ആരോഗ്യ പ്രവർത്തകരെ ഗുജറാത്ത് സർക്കാർ പിരിച്ചുവിട്ടു

ഗുജറാത്തിലെ വഡോദരയിൽ നിന്ന് 100 കിലോമീറ്റർ അകലെയുള്ള സർദാർ സരോവർ ഡാമിൽ സ്ഥിതി ചെയ്യുന്ന സാധു ബെറ്റ് ദ്വീപ് എന്ന ചെറു ദ്വീപിലാണ് പ്രതിമ സ്ഥിതി ചെയ്യുന്നത്. ഇവിടേക്കുള്ള റോഡാണ് ബുധനാഴ്ച തകർന്നത്.

Story Highlights: Heavy rains damage road leading to Statue of Unity in Gujarat

ഗുജറാത്തിലെ പടക്കശാല സ്ഫോടനം: 21 മരണം; ഉടമ അറസ്റ്റിൽ