WCC member Jolly Chirayath calls for legal action after Ranjith's resignation

ചലച്ചിത്ര അക്കാദമി ചെയർമാൻ രഞ്ജിത്തിന്റെ രാജിയെക്കുറിച്ച് ഡബ്ല്യുസിസി അംഗം ജോളി ചിറയത്ത് പ്രതികരിച്ചു. രാജി സംഭവിച്ചുവെന്നും ഇനി തുടർ നടപടികളാണ് വേണ്ടതെന്നും അവർ അഭിപ്രായപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ലൈംഗിക അതിക്രമവുമായി ബന്ധപ്പെട്ട വിവരങ്ങൾ അറിഞ്ഞാൽ സ്വമേധയാ കേസെടുക്കേണ്ടതാണെന്നും ഇരയുടെ മാനസിക അവസ്ഥ കൂടി പരിഗണിക്കണമെന്നും ജോളി ചിറയത്ത് കൂട്ടിച്ചേർത്തു. സംഘടനയുടെ തലപ്പത്തിരിക്കുന്നവർ മാതൃക കാണിക്കേണ്ടതാണെന്ന് ജോളി ചിറയത്ത് അഭിപ്രായപ്പെട്ടു.

രഞ്ജിത്തിനെതിരെ പല രീതിയിലുള്ള ആരോപണങ്ങൾ ഉണ്ടായപ്പോഴും സാംസ്കാരിക വകുപ്പ് മന്ത്രി തന്നെ അതിനെ ന്യായീകരിക്കുന്ന സാഹചര്യമായിരുന്നുവെന്നും ഇപ്പോഴും അതേ നിലപാടാണ് സ്വീകരിക്കുന്നതെന്നും അവർ ചൂണ്ടിക്കാട്ടി. ഇത് സ്ത്രീകൾക്ക് ആത്മവിശ്വാസം നൽകാത്ത നടപടിയാണെന്നും ജോളി ചിറയത്ത് വ്യക്തമാക്കി.

അതേസമയം, യുവനടിയുടെ ലൈംഗികാരോപണത്തെ തുടർന്ന് നടൻ സിദ്ദിഖ് അമ്മ ജനറൽ സെക്രട്ടറി സ്ഥാനം രാജിവച്ചു. രാജിക്കത്ത് പ്രസിഡന്റ് മോഹൻലാലിന് അയച്ചതായി അറിയുന്നു.

‘നിലവിലെ ആരോപണങ്ങൾ അറിഞ്ഞു കാണുമല്ലോ, ഈ സാഹചര്യത്തിൽ അമ്മ ജനറൽ സെക്രട്ടറി സ്ഥാനത്ത് നിന്ന് മാറി നിൽക്കാൻ അനുവദിക്കണം’ എന്നാണ് രണ്ടു വരിയിലുള്ള രാജിക്കത്തിൽ പറയുന്നത്. ധാർമിക ഉത്തരവാദിത്തം ഏറ്റെടുത്തുകൊണ്ട് സ്വമേധയാ രാജിവയ്ക്കുകയാണെന്ന് സിദ്ദിഖ് വ്യക്തമാക്കി.

രജനികാന്തുമായി കൂടിക്കാഴ്ച നടത്തി മന്ത്രി റിയാസ്

Story Highlights: WCC member Jolly Chirayath responds to Ranjith’s resignation as Film Academy Chairman

ഷൈൻ ടോം ചാക്കോയ്ക്കെതിരെ നടപടി ഉറപ്പ്; വിൻസിയെ പിന്തുണച്ച് ഐസിസി