Realme 14 Pro Series: World's First Cold-Sensitive Color-Changing Phones

റിയല്മീ കമ്പനിയുടെ പുതിയ സ്മാര്ട്ട്ഫോണ് സീരീസ് അടുത്ത വര്ഷം ആദ്യം വിപണിയിലെത്തുമെന്ന് റിപ്പോര്ട്ടുകള്. 2025 ജനുവരിയില് റിയല്മീ 14 പ്രോ സീരീസ് പുറത്തിറങ്ങുമെന്നാണ് വിവരം. ഈ സീരീസില് റിയല്മീ 14 പ്രോ, റിയല്മീ 14 പ്രോ+ എന്നീ രണ്ട് മോഡലുകള് ഉണ്ടാകുമെന്നാണ് പ്രതീക്ഷിക്കുന്നത്. എന്നാല് ഇതിന്റെ കൃത്യമായ ലോഞ്ച് തീയതി കമ്പനി ഇതുവരെ പ്രഖ്യാപിച്ചിട്ടില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ പുതിയ സ്മാര്ട്ട്ഫോണുകളുടെ പ്രധാന ആകര്ഷണം അവയുടെ നൂതന കളര് ചേഞ്ചിംഗ് സാങ്കേതികവിദ്യയാണ്. ലോകത്തിലെ ആദ്യത്തെ കോള്ഡ്-സെന്സിറ്റീവ് കളര് ചേഞ്ചിംഗ് ഫോണുകളായിരിക്കും ഇവ. ഫോണിന്റെ പവിഴ രൂപകല്പനയുള്ള പിന്ഭാഗത്തെ പാനലിലാണ് ഈ നിറമാറ്റം സംഭവിക്കുക. താപനില 16 ഡിഗ്രി സെല്ഷ്യസിലേക്ക് താഴുമ്പോഴാണ് ഫോണിന്റെ പിന്ഭാഗത്തെ പാനലിന്റെ നിറം മാറുന്നത്.

റിയല്മീ 14 പ്രോ സീരീസിലെ ഫോണുകളുടെ സവിശേഷതകള് പൂര്ണമായി വെളിപ്പെടുത്തിയിട്ടില്ലെങ്കിലും, ചില പ്രധാന വിവരങ്ള് പുറത്തുവന്നിട്ടുണ്ട്. റിയല്മീ 14 പ്രോ+ മോഡല് സ്നാപ്ഡ്രാഗണ് 7എസ് ജനറേഷന് 3 പ്രോസസറോടെയാണ് വരുന്നത്. റിയല്മീ 14 പ്രോ മോഡലില് 6.7 ഇഞ്ച് അമോലെഡ് ഡിസ്പ്ലേ, 50+50 മെഗാപിക്സല് ക്യാമറ സെറ്റപ്പ്, 5500 എംഎഎച്ച് ബാറ്ററി എന്നിവ ഉണ്ടാകുമെന്നാണ് പ്രതീക്ഷിക്കുന്നത്. ഈ പുതിയ സീരീസ് സ്മാര്ട്ട്ഫോണ് വിപണിയില് വലിയ സ്വാധീനം ചെലുത്തുമെന്നാണ് വിദഗ്ധര് കരുതുന്നത്.