Meta Ray-Ban smart glasses launched in India; Price starts from Rs 29,900

പുതിയ റേ-ബാൻ സ്മാർട്ട് ഗ്ലാസുകളുമായി മെറ്റ എത്തുന്നു. ഈ ഗ്ലാസുകൾക്ക് പ്രീമിയം ഫീച്ചറുകളുണ്ട്. കൂടാതെ മികച്ച ഡിസൈനും സൗണ്ട് ക്വാളിറ്റിയും ആപ്പ് സപ്പോർട്ടും ഇതിന്റെ പ്രധാന ആകർഷണങ്ങളാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ മാസം മെറ്റയുടെ പുത്തൻ റേബാൻ ഗ്ലാസുകൾ ഇന്ത്യൻ വിപണിയിൽ എത്തും. മെയ് 19 മുതൽ Ray-Ban.com-ലും പ്രമുഖ ഒപ്റ്റിക്കൽ-സൺഗ്ലാസ് സ്റ്റോറുകളിലും Ray-Ban Meta സ്മാർട്ട് ഗ്ലാസുകൾ ലഭ്യമാകും. കൂടാതെ, ഗ്ലാസുകൾ ഇപ്പോൾ പ്രീ-ഓർഡർ ചെയ്യാമെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു.

മെറ്റയുടെ റേ-ബാൻ ഗ്ലാസിൻ്റെ ഇന്ത്യൻ എഡിഷനിൽ മെറ്റാ എഐ അസിസ്റ്റന്റ് സംയോജിപ്പിച്ചിട്ടുണ്ട്. “ഹേ മെറ്റാ” എന്ന് പറഞ്ഞുകൊണ്ട് ഈ ഗ്ലാസ് ഉപയോഗിക്കാം. ഭാഷകൾ ട്രാൻസ്ലേറ്റ് ചെയ്യാനും, മെസേജ് അയക്കാനും, മ്യൂസിക് പ്ലേ ചെയ്യാനും, ഫോട്ടോ എടുക്കാനും, വീഡിയോകൾ റെക്കോർഡ് ചെയ്യാനുമെല്ലാം ഈ സ്മാർട്ട് ഗ്ലാസിലൂടെ സാധിക്കും.

ഈ സ്മാർട്ട് ഗ്ലാസുകൾക്ക് IPX4 വാട്ടർ റെസിസ്റ്റന്റ് റേറ്റിംഗ് ഉണ്ട്. അതിനാൽ വെള്ളം തെറിച്ചാലും, ചെറിയ മഴയത്തും കേടുപാടുകൾ സംഭവിക്കില്ല. കൂടാതെ കാണുന്നതെന്തും ഫെയ്സ്ബുക്കിലേക്കും ഇൻസ്റ്റഗ്രാമിലേക്കും ലൈവ് സ്ട്രീം ചെയ്യാനും സാധിക്കും.

ഫോൺ വിളിക്കുന്ന സമയത്ത് വ്യക്തമായ ശബ്ദം ലഭിക്കുന്നതിന് മൾട്ടി-മൈക്രോഫോൺ സംവിധാനം ഇതിൽ ഉണ്ട്. അഞ്ച് മൈക്രോഫോണുകളാണ് ഇതിലുള്ളത്. “ഹേ മെറ്റാ” വോയ്സ് അസിസ്റ്റന്റ് ഓണാക്കിയാൽ വോയ്സ് റെക്കോർഡിംഗുകൾ സ്വയമേവ സേവ് ആകും.

വിവിധ സ്റ്റൈലുകളിൽ ഈ സ്മാർട്ട് ഗ്ലാസുകൾ ലഭ്യമാണ്. 29,900 രൂപ മുതൽ 35,700 രൂപ വരെയാണ് ഇതിന്റെ വില. ഉടൻ തന്നെ മെക്സിക്കോ, യുഎഇ എന്നിവിടങ്ങളിലും റേ-ബാൻ മെറ്റാ ഗ്ലാസുകൾ അവതരിപ്പിക്കും.

റേബാൻ മെറ്റ ഗ്ലാസ് സെറ്റിങ്സിലൂടെ പേഴ്സണൽ റെക്കോർഡിംഗുകൾ ഓട്ടോമാറ്റിക്കായി ഡിലീറ്റ് ചെയ്യാനാകും. നിങ്ങൾക്ക് ഇങ്ങനെ വോയിസ് സേവ് ചെയ്യേണ്ട ആവശ്യമില്ലെങ്കിൽ സെറ്റിങ്സിൽ മാറ്റം വരുത്താവുന്നതാണ്. ഈ മാസം ആദ്യം യുകെ ഉൾപ്പെടെ നിരവധി യൂറോപ്യൻ രാജ്യങ്ങളിൽ ഗ്ലാസുകൾ ലഭ്യമാക്കിയിരുന്നു.

വിരലുകൾ അനക്കാതെ തന്നെ ഫോട്ടോകളും വീഡിയോകളും എടുക്കാൻ ഈ സ്മാർട്ട് ഗ്ലാസുകൾ ഉപയോഗിക്കാം. ഇതിലുള്ള ബിൽറ്റ്-ഇൻ ക്യാമറകൾ ഉപയോഗിച്ച് ഉപയോക്താക്കൾക്ക് അവർ കാണുന്ന ദൃശ്യങ്ങളുടെ ഫോട്ടോകളും വീഡിയോകളും പകർത്താനാകും.

story_highlight:മെറ്റയുടെ പുതിയ റേ-ബാൻ സ്മാർട്ട് ഗ്ലാസുകൾ ഇന്ത്യൻ വിപണിയിൽ അവതരിപ്പിച്ചു, മികച്ച ഫീച്ചറുകളും ആകർഷകമായ രൂപകൽപ്പനയും ഇതിന്റെ പ്രത്യേകതകളാണ്..