Madras High Court bans Ravi and Arthi from making public statements

മലയാളികൾക്ക് സുപരിചിതനായ നടൻ രവി മോഹനും ആർതി രവിയും തമ്മിലുള്ള വിവാഹമോചനവുമായി ബന്ധപ്പെട്ട വാദപ്രതിവാദങ്ങൾക്ക് മദ്രാസ് ഹൈക്കോടതിയുടെ വിലക്ക്. ഇരുവരും പരസ്പരം അപകീർത്തികരമായ പ്രസ്താവനകൾ നടത്തുന്നത് തടഞ്ഞുകൊണ്ടാണ് കോടതിയുടെ ഉത്തരവ്. വിവാഹമോചന നടപടികൾ പുരോഗമിക്കുന്നതിനിടെയാണ് കോടതിയുടെ ഈ നിർദ്ദേശം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

രവി മോഹനും ആരതി രവിയും ഇനി പരസ്യ പ്രസ്താവനകള് നടത്തരുതെന്ന് കോടതി അറിയിച്ചു. തനിക്കെതിരെയുള്ള അപകീര്ത്തികരമായ പ്രസ്താവനകളില് നിന്ന് സംരക്ഷണം തേടി രവി മോഹന് സമര്പ്പിച്ച ഹര്ജിയിലാണ് കോടതിയുടെ ഈ നിർദേശം. രണ്ട് കക്ഷികളും മാന്യത പാലിക്കണമെന്നും കോടതി എടുത്തുപറഞ്ഞു.

ഗായിക കെനിഷ ഫ്രാന്സിസിനൊപ്പം രവി മോഹന് ഒരു വിവാഹത്തില് പങ്കെടുത്തതാണ് എല്ലാ പ്രശ്നങ്ങൾക്കും തുടക്കമിട്ടത്. ഇതിനുപിന്നാലെ ഇരുവരും പ്രണയത്തിലാണെന്ന തരത്തിലുള്ള അഭ്യൂഹങ്ങൾ പരന്നു. ഈ സംഭവത്തിന് ശേഷം വിവാഹമോചന വാർത്തകൾ പുറത്തുവരാൻ തുടങ്ങി.

കഴിഞ്ഞ സെപ്റ്റംബറിലാണ് ആർതിയും താനുമായുള്ള വിവാഹബന്ധം അവസാനിപ്പിക്കുകയാണെന്ന് രവി മോഹൻ സോഷ്യൽ മീഡിയയിലൂടെ അറിയിച്ചത്. എന്നാൽ തന്റെ അനുമതിയില്ലാതെയാണ് രവി വിവാഹമോചനത്തെക്കുറിച്ച് പ്രഖ്യാപനം നടത്തിയതെന്നും ഇത് ഏകപക്ഷീയമായ തീരുമാനമാണെന്നും ആർതി ഇതിനോട് പ്രതികരിച്ചു. ഇതോടെയാണ് ഇരുവരും തമ്മിലുള്ള വാക്പോര് ആരംഭിച്ചത്.

വിവാഹമോചനവുമായി ബന്ധപ്പെട്ട് രവി മോഹനും ആരതി രവിയും കഴിഞ്ഞയാഴ്ച ചെന്നൈയിലെ കുടുംബകോടതിയില് ഹാജരായിരുന്നു. വിവാഹബന്ധം തുടരാൻ താൽപര്യമില്ലെന്ന് രവി കോടതിയെ അറിയിച്ചു. അതേസമയം, ആരതി ജീവനാംശമായി പ്രതിമാസം 40 ലക്ഷം രൂപ ആവശ്യപ്പെട്ടു. ആരതിയുടെ ആവശ്യം നിരസിക്കണമെന്ന് രവി മോഹൻ കോടതിയോട് അഭ്യർഥിച്ചു. കേസ് ജൂൺ 12-ലേക്ക് മാറ്റി.

രവി മോഹനെ വീട്ടിൽ നിന്ന് പുറത്താക്കാൻ ശ്രമിച്ചുവെന്ന് ആർതി ആരോപിച്ചിരുന്നു. ഇതിനുപിന്നാലെ ശാരീരികമായും മാനസികമായും ദ്രോഹിച്ചുവെന്നും മക്കളെ കാണാൻ അനുവദിച്ചില്ലെന്നും രവി മോഹനും ആരോപിച്ചു. പരസ്പരം ആരോപണങ്ങളും പ്രത്യാരോപണങ്ങളുമായി ഇരുവരും രംഗത്തെത്തിയിരുന്നു.

ആരതി രവിയും അമ്മ സുജാത വിജയകുമാറും തനിക്കെതിരെ അപകീര്ത്തികരമായ പരാമര്ശങ്ങള് നടത്തുന്നതിനെതിരെ ഇന്ജക്ഷന് ആവശ്യപ്പെട്ടുകൊണ്ടാണ് രവി മോഹന് ഹൈക്കോടതിയെ സമീപിച്ചത്. ഇരുവരും ഒന്നിച്ച് വിവാഹത്തിനെത്തിയതിന് പിന്നാലെയാണ് ഇവര് പ്രണയത്തിലാണെന്ന അഭ്യൂഹം പ്രചരിച്ചതും വിവാഹമോചനവാര്ത്തകള് വെള്ളിവെളിച്ചത്തില് നിറഞ്ഞുനില്ക്കാന് തുടങ്ങിയതും.

Story Highlights: രവി മോഹനും ആരതി രവിയും തമ്മിലുള്ള വിവാഹമോചനക്കേസിൽ പരസ്യ പ്രസ്താവനകൾ പാടില്ലെന്ന് മദ്രാസ് ഹൈക്കോടതിയുടെ ഉത്തരവ്.