Ramesh Chennithala Against Protests on Sabarimala Spot Booking Ban

ശബരിമലയിൽ സ്പോട്ട് ബുക്കിങ്ങ് ഒഴിവാക്കിയതിനെതിരെ പ്രക്ഷോഭം നടത്താനില്ലെന്ന് കോൺഗ്രസ് നേതാവ് രമേശ് ചെന്നിത്തല പ്രസ്താവിച്ചു. സമരവേദിയായി ശബരിമലയെ മാറ്റുന്നത് ശരിയല്ലെന്നും അദ്ദേഹം അഭിപ്രായപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ, സ്പോട്ട് ബുക്കിംഗ് പുനരാരംഭിക്കണമെന്നും ഓൺലൈൻ ബുക്കിംഗ് മാത്രമേ പാടുള്ളൂ എന്ന നിലപാട് ഉപേക്ഷിക്കണമെന്നും ചെന്നിത്തല ആവശ്യപ്പെട്ടു. സർക്കാർ നേരത്തെ തീരുമാനിച്ചതനുസരിച്ച്, ഇത്തവണ ഓൺലൈൻ ബുക്കിങ് മാത്രമേ അനുവദിക്കൂ.

ഒരു ദിവസം പരമാവധി 80,000 പേർക്ക് ശബരിമലയിൽ ദർശന സൗകര്യം ഒരുക്കുമെന്നാണ് സർക്കാരിന്റെ നിലപാട്. എന്നാൽ, ഈ തീരുമാനത്തിനെതിരെ ബിജെപി രംഗത്തെത്തിയിരുന്നു.

ബുക്കിങ് ഇല്ലാതെ തന്നെ പ്രവേശിക്കുമെന്നും തടഞ്ഞാൽ ശബരിമലയിൽ പ്രതിഷേധങ്ങൾ ഉണ്ടാകുമെന്നും കെ സുരേന്ദ്രൻ വ്യക്തമാക്കിയിരുന്നു. സിപിഐഎം പത്തനംതിട്ട ജില്ലാ കമ്മിറ്റിയും ശബരിമലയിൽ സ്പോട്ട് ബുക്കിങ് വേണ്ടെന്ന തീരുമാനം സർക്കാർ പിൻവലിക്കണമെന്ന് ആവശ്യപ്പെട്ട് രംഗത്തെത്തി.

ബിജെപി ഉൾപ്പെടെയുള്ള പാർട്ടികൾ ഈ അവസരം വീണ്ടും മുതലെടുക്കുമെന്ന് പാർട്ടി വിലയിരുത്തി. ഈ വിഷയം സംസ്ഥാന നേതൃത്വത്തെ അറിയിച്ചതായും റിപ്പോർട്ടുകൾ സൂചിപ്പിക്കുന്നു.

മാസപ്പടി കേസ്: നിയമപോരാട്ടം തുടരുമെന്ന് മാത്യു കുഴൽനാടൻ

Story Highlights: Congress leader Ramesh Chennithala opposes protests against stopping spot booking in Sabarimala

കോഴിക്കോട് മെഡിക്കൽ കോളജിൽ നിപ ലക്ഷണങ്ങളുമായി യുവതി ചികിത്സയിൽ