രാമായണം ഫസ്റ്റ് ലുക്ക് എത്തി; രാമനായി രൺബീർ കപൂർ, രാവണനായി യഷ്

ഇന്ത്യൻ സിനിമയിലെ എക്കാലത്തേയും വലിയ ചിത്രമായ രാമായണത്തിന്റെ ആദ്യ ഗ്ലിംപ്സ് പുറത്തിറങ്ങി. രൺബീർ കപൂർ ശ്രീരാമനായും യഷ് രാവണനായും അഭിനയിക്കുന്ന ചിത്രത്തിൽ ഓസ്കർ ജേതാക്കളായ ഹാൻസ് സിമ്മറും എ ആർ റഹ്മാനും സംഗീതമൊരുക്കുന്നു. സായ് പല്ലവിയാണ് സീതയായി എത്തുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചിത്രത്തിൻ്റെ പ്രധാന ആകർഷണം അതിന്റെ ടൈറ്റിൽ കാർഡുകളാണ്. മൂന്ന് മിനിറ്റ് ദൈർഘ്യമുള്ള വീഡിയോയിൽ അതിഗംഭീര ടൈറ്റിൽ കാർഡുകളും മൊണ്ടാഷുകളും ഉൾപ്പെടുന്നു. ഗെയിം ഓഫ് ത്രോൺസിനൊപ്പം നിൽക്കുന്ന മികച്ച ടൈറ്റിൽ കാർഡ് എന്നാണ് വീഡിയോയ്ക്ക് ലഭിക്കുന്ന കമന്റുകൾ സൂചിപ്പിക്കുന്നത്.

ഓസ്കർ ജേതാക്കളായ ഹാൻസ് സിമ്മറും എ ആർ റഹ്മാനും ചേർന്നാണ് ചിത്രത്തിന് സംഗീതം ഒരുക്കുന്നത്. ഇത് ചിത്രത്തിന്റെ പ്രധാന പ്രത്യേകതകളിൽ ഒന്നാണ്. ഇന്ത്യൻ ഇതിഹാസ കാവ്യമായ രാമായണത്തിന്റെ ദൃശ്യാവിഷ്കാരത്തിൽ രാമനായി രൺബീറും, രാവണനായി യഷുമാണ് എത്തുന്നത്. സായ് പല്ലവിയാണ് സീതയായി എത്തുന്നത്.

വൻ ക്യാൻവാസിലാണ് ചിത്രം ഒരുങ്ങുന്നത്. ചിത്രത്തിന്റെ തിരക്കഥ ഒരുക്കിയിരിക്കുന്നത് ശ്രീധർ രാഘവനാണ്. രവി ഡൂബൈ ലക്ഷ്മണൻ ആയും സണ്ണി ഡിയോൾ ഹനുമാനായും എത്തുന്നു.

ചിത്രം പൂർണമായും ഐ മാക്സിലാണ് ചിത്രീകരിക്കുക. ചിത്രത്തിന്റെ നേരത്തെ പുറത്തുവന്ന ലീക്ക്ഡ് ഫോട്ടോസ് എല്ലാം സോഷ്യൽ മീഡിയയിൽ തരംഗമായിരുന്നു. 3.03 മിനിറ്റ് ദൈർഘ്യമുള്ള വീഡിയോയിൽ രാമനായി വേഷമിടുന്ന രൺബീറിനെയും രാവണനായി വേഷമിടുന്ന യഷിനെയും കാണാൻ സാധിക്കും.

റിലീസ് ചെയ്ത് മണിക്കൂറുകൾക്കുള്ളിൽ തന്നെ ലക്ഷക്കണക്കിന് ആളുകൾ ഗ്ലിംപ്സ് കണ്ടുകഴിഞ്ഞു. ഈ വീഡിയോ ഇതിനോടകം തന്നെ സോഷ്യൽ മീഡിയയിൽ വൈറലായി കഴിഞ്ഞു.

Story Highlights: രാമായണം സിനിമയുടെ ആദ്യ ഗ്ലിംപ്സ് പുറത്തിറങ്ങി; രൺബീർ കപൂറും യഷും പ്രധാന കഥാപാത്രങ്ങളെ അവതരിപ്പിക്കുന്നു.