Ram Gopal Varma's 'Saaree' Lead Actress Birthday Celebration

സംവിധായകൻ രാം ഗോപാൽ വർമ്മയുടെ പുതിയ ചിത്രമായ ‘സാരീ’യിലെ നായിക ആരാധ്യദേവിയുടെ പിറന്നാൾ ആഘോഷം വൻ വിജയമായി. ഹൈദരാബാദിലെ സംവിധായകന്റെ ഓഫീസിൽ നടന്ന ചടങ്ങിൽ അദ്ദേഹത്തിന്റെ കുടുംബാംഗങ്ങളും സഹപ്രവർത്തകരും പങ്കെടുത്തു. ആഘോഷത്തിന്റെ വീഡിയോ രാം ഗോപാൽ വർമ്മ സോഷ്യൽ മീഡിയയിൽ പങ്കുവച്ചിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നവംബർ നാലിനാണ് ‘സാരീ’ സിനിമ ഹിന്ദി, തെലുങ്ക്, തമിഴ്, മലയാളം എന്നീ നാല് ഭാഷകളിൽ റിലീസ് ചെയ്യുന്നത്. മലയാളി മോഡലും നടിയുമായ ആരാധ്യദേവിയാണ് ചിത്രത്തിൽ പ്രധാന വേഷത്തിലെത്തുന്നത്. രവി വർമ്മ നിർമ്മിച്ച് ഗിരി കൃഷ്ണ കമൽ സംവിധാനം ചെയ്യുന്ന ഈ ചിത്രത്തിൽ, സാരി ധരിച്ച യുവതിയോട് ഒരു യുവാവിന് തോന്നുന്ന അമിതമായ അഭിനിവേശം പിന്നീട് അപകടകരമായി മാറുന്നതാണ് കഥ.

ജാൻവി കപൂറിനോട് താൽപര്യമില്ല, സിനിമ ചെയ്യാൻ സാധ്യതയില്ല: രാം ഗോപാൽ വർമ്മ

രാം ഗോപാൽ വർമ്മയുടെ ഓഫീസായ ഡെൻ നടത്തിയ കോർപ്പറേറ്റ് സെലക്ഷനിലൂടെയാണ് ആരാധ്യദേവിയും നായകനായ സത്യായാദുവും ചിത്രത്തിലേക്ക് തെരഞ്ഞെടുക്കപ്പെട്ടത്. ഇൻസ്റ്റാഗ്രാം റീലിലൂടെയാണ് സംവിധായകൻ ആരാധ്യദേവിയെ കണ്ടെത്തിയത്. സാരി ധരിച്ച യുവതിയെ നായകൻ കാണുന്നതും തുടർന്നുള്ള സംഭവവികാസങ്ങളുമാണ് ചിത്രത്തിന്റെ പ്രധാന ആശയം.