Rajinikanth's Vettaiyan: Overseas Success, Box Office Failure

വിദേശത്ത് രജനികാന്തിന്റെ ‘വേട്ടയ്യന്’ സിനിമയ്ക്ക് ലഭിച്ച കളക്ഷന്റെ റിപ്പോര്ട്ട് പുറത്തുവന്നിരിക്കുകയാണ്. 74 കോടി രൂപയാണ് വിദേശത്ത് നിന്ന് ചിത്രം നേടിയത്. എന്നാൽ ബോക്സോഫീസിൽ ചിത്രം പരാജയമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ടി ജെ ജ്ഞാനവേലയുടെ സംവിധാനത്തിൽ ലൈക്ക പ്രൊഡക്ഷൻസ് നിര്മിച്ച ചിത്രത്തിന് യുഎ സര്ട്ടിഫിക്കറ്റ് ലഭിച്ചിരുന്നു. ഫഫദും ഫാസിൽ, മഞ്ജു വാരിയർ, അമിതാഭ് ബച്ചൻ, റാണ ദഗ്ഗുബാട്ടി എന്നിവരും ചിത്രത്തിൽ കേന്ദ്ര കഥാപാത്രങ്ങളായി. അനിരുദ്ധ് രവിചന്ദർ ആണ് സംഗീതം നിർവഹിച്ചത്.

300 കോടി ബജറ്റിൽ നിർമിച്ച ചിത്രം ഇതുവരെ നേടിയത് 200 കോടി മാത്രമാണ്. 100 കോടിക്കു മുകളിൽ നഷ്ടം വന്നതോടെ നിര്മാണക്കമ്പനി അടിയന്തര യോഗം വിളിച്ചതായും രജനിക്കു മുന്നിൽ പുതിയ നിബന്ധന വച്ചതായും വാർത്തകളുണ്ട്. വേട്ടയ്യനിലൂടെയുണ്ടാകുന്ന നഷ്ടം നികത്തുന്നതിനായി തങ്ങൾക്കൊപ്പം മറ്റൊരു സിനിമ ചെയ്യണമെന്ന് രജനികാന്തിനോട് ലൈക്ക ആവശ്യപ്പെട്ടതായി ദേശീയ മാധ്യമങ്ങൾ റിപ്പോർട്ട് ചെയ്യുന്നു.

രജനികാന്തിനെ നായകനാക്കി അടുത്ത കാലത്ത് ലൈക നിര്മിച്ച ചിത്രങ്ങളായ ലാല് സലാം, ദര്ബാര്, യന്തിരൻ 2. 0 എന്നിവയും പ്രതീക്ഷയ്ക്കൊത്ത് ഉയരാൻ കഴിഞ്ഞിരുന്നില്ല. ഇതിൽ ദർബാറിനും ലാൽ സലാമിനും മുടക്കു മുതൽ പോലും തിരിച്ചുപിടിക്കാനായില്ല.

രജനീകാന്തിന്റെ 'കൂലി'ക്ക് സമ്മിശ്ര പ്രതികരണം; നാല് ദിവസത്തെ കളക്ഷൻ 194 കോടി

അടുത്ത ചിത്രത്തിൽ പ്രതിഫലം കുറയ്ക്കാനും രജനികാന്തിനോട് നിർമാതാക്കൾ ആവശ്യപ്പെട്ടതായും സൂചനയുണ്ട്. വേട്ടയ്യൻ വൻ പരാജയമായതോടെ പ്രശസ്ത നിർമാണക്കമ്പനിയായ ലൈക പ്രൊഡക്ഷൻസ് കടുത്ത സാമ്പത്തിക പ്രതിസന്ധി നേരിടുന്നതായി റിപ്പോർട്ടുകൾ വന്നിരുന്നു.

Story Highlights: Rajinikanth’s ‘Vettaiyan’ collects 74 crore overseas but fails at box office, Lyca Productions faces financial crisis

രജനീകാന്തിന്റെ ‘കൂലി’ക്ക് സമ്മിശ്ര പ്രതികരണം; നാല് ദിവസത്തെ കളക്ഷൻ 194 കോടി