Rajinikanth's Vettaiyan to stream on Amazon Prime Video from November 7

സൂപ്പർസ്റ്റാർ രജനികാന്തിന്റെ ബിഗ് ബജറ്റ് ചിത്രമായ ‘വേട്ടയ്യൻ’ ഉടൻ ഒടിടിയിലേക്ക് എത്തിയേക്കുമെന്ന റിപ്പോർട്ടുകൾ പുറത്തുവരുന്നു. 300 കോടി രൂപ ബജറ്റിൽ നിർമ്മിച്ച ഈ ചിത്രം ബോക്സോഫീസിൽ പ്രതീക്ഷിച്ച വിജയം നേടിയിരുന്നില്ല. നവംബർ ഏഴ് മുതൽ ചിത്രം ആമസോൺ പ്രൈം വീഡിയോയിൽ സ്ട്രീമിങ് ആരംഭിക്കുമെന്നാണ് വിവരം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ ഇതുസംബന്ധിച്ച് ഔദ്യോഗിക പ്രഖ്യാപനം ഇതുവരെയുണ്ടായിട്ടില്ല. ടിജെ ജ്ഞാനവേൽ സംവിധാനം ചെയ്ത ‘വേട്ടയ്യൻ’ ലൈക്ക പ്രൊഡക്ഷന്സിന്റെ ബാനറില് സുഭാസ്കരന് അല്ലിരാജയാണ് നിര്മ്മിച്ചത്. കേരളത്തില് ചിത്രം എത്തിച്ചത് ശ്രീ ഗോകുലം മൂവീസാണ്.

രജനികാന്തിനൊപ്പം മഞ്ജുവാര്യര്, അമിതാഭ് ബച്ചന്, ഫഹദ് ഫാസില് എന്നിങ്ങനെ വൻതാരനിരയാണ് ചിത്രത്തിലുണ്ടായിരുന്നത്. എന്നിട്ടും മുടക്കു മുതല് ഇതുവരെ തിരികെ പിടിക്കാനായിട്ടില്ല. ചിത്രത്തിന്റെ സംഗീത സംവിധായകൻ അനിരുദ്ധ് രവിചന്ദര് ആണ്.

സിനിമ പ്രേക്ഷകരുടെ ഇടയിൽ വലിയ തരംഗം സൃഷ്ടിച്ചില്ലെങ്കിലും അനിരുദ്ധിന്റെ ഗാനങ്ങൾ സൂപ്പർ ഹിറ്റായിരുന്നു. ബോക്സോഫീസ് പരാജയത്തെ തുടർന്ന് നിർമ്മാണ കമ്പനിയായ ലൈക്ക രജനീകാന്തുമായി ചർച്ച നടത്തിയെന്ന അഭ്യൂഹങ്ങൾ നിലനിൽക്കേയാണ് വേട്ടയ്യൻ ഒടിടിയിൽ റിലീസ് ചെയ്യുന്നുവെന്ന വാർത്തകൾ വരുന്നത്.

എമ്പുരാന് മമ്മൂട്ടിയുടെ ആശംസകൾ; മലയാള സിനിമയ്ക്ക് അഭിമാനമാകുമെന്ന് പ്രതീക്ഷ

Story Highlights: Rajinikanth’s big-budget film ‘Vettaiyan’ reportedly set for OTT release on Amazon Prime Video from November 7

രജനീകാന്ത് ചിത്രം ‘കൂലി’യുടെ ചിത്രീകരണം പൂർത്തിയായി