Rahul Gandhi Visits Wayanad Disaster Site, Assesses Rescue Efforts

വയനാട് മുണ്ടക്കൈ ദുരന്തഭൂമിയിൽ പ്രതിപക്ഷ നേതാവ് രാഹുൽ ഗാന്ധി സന്ദർശനം നടത്തി. പ്രിയങ്ക ഗാന്ധിയും കെ. സി വേണുഗോപാൽ എം. പിയും അദ്ദേഹത്തോടൊപ്പമുണ്ടായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബെയ്ലി പാലം സജ്ജമായതോടെയാണ് രാഹുൽ ദുരന്തഭൂമിയിലെത്തിയത്. ജില്ലാ അധികൃതരുമായി രക്ഷാപ്രവർത്തനം സംബന്ധിച്ച് സംസാരിച്ച അദ്ദേഹം, ഇന്നലെ ദുരിതാശ്വാസ ക്യാമ്പുകളും സന്ദർശിച്ചിരുന്നു. പുഞ്ചിമട്ടത്തും മുണ്ടക്കൈയിലും എത്തിയ രാഹുൽ ഗാന്ധി, ദുരന്തമുണ്ടായ സ്ഥലങ്ങൾ സന്ദർശിച്ച് സൈന്യത്തോട് വിശദാംശങ്ങൾ ചോദിച്ചറിഞ്ഞു. ഉദ്യോഗസ്ഥരുടെ യോഗം വിളിച്ചുചേർത്ത് കാര്യങ്ങൾ വിലയിരുത്തിയ അദ്ദേഹം, പുനരധിവാസം ഉൾപ്പെടെയുള്ള സഹായങ്ങൾ വാഗ്ദാനം ചെയ്തു.

അതേസമയം, മുണ്ടക്കൈ ദുരന്തമേഖലയിൽ നാലാം ദിനവും രക്ഷാപ്രവർത്തനം തുടരുകയാണ്. ഇതുവരെ 319 പേരാണ് മരിച്ചത്. ഇന്ന് നിലമ്പൂരിൽ നിന്നും മേപ്പാടിയിൽ നിന്നുമായി 11 മൃതദേഹങ്ങൾ കൂടി കണ്ടെത്തി. 133 മൃതദേഹങ്ങൾ ബന്ധുക്കൾ തിരിച്ചറിഞ്ഞിട്ടുണ്ട്.

181 മൃതദേഹങ്ങളുടെ പോസ്റ്റ്മോർട്ടം നടപടികൾ പൂർത്തിയായി. തിരിച്ചറിയാത്ത ഭൗതികശരീരങ്ങൾ പൊതുശ്മശാനങ്ങളിൽ സംസ്കരിക്കുമെന്ന് അധികൃതർ അറിയിച്ചു. ആറ് സോണുകളിലായാണ് ഇന്നത്തെ തിരച്ചിൽ നടക്കുന്നത്. സൈന്യം ചൂരൽമലയിൽ എത്തിച്ചേർന്നിട്ടുണ്ട്.

രാഹുൽ ഗാന്ധി ഭരണഘടന പഠിക്കണമെന്ന് രാജീവ് ചന്ദ്രശേഖർ

Story Highlights: Rahul Gandhi visits Wayanad disaster site, assesses rescue operations Image Credit: twentyfournews

വയനാട്ടിലെ ഉരുൾപൊട്ടൽ ദുരിതബാധിതർക്ക് മുസ്ലിം ലീഗിന്റെ ഭവന സമുച്ചയം