Rahul Navin appointed as new Enforcement Directorate Director

കേന്ദ്ര കാബിനറ്റ് സമിതി എൻഫോഴ്സ്മെൻ്റ് ഡയറക്ടറായി രാഹുൽ നവീനെ നിയമിച്ചു. പ്രധാനമന്ത്രി നരേന്ദ്ര മോദി അധ്യക്ഷനായ സമിതിയാണ് ഈ തീരുമാനം എടുത്തത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

1993 ബാച്ച് ഐആർഎസ് ഓഫീസറായ രാഹുൽ നവീൻ, മുൻ ഡയറക്ടർ സഞ്ജയ് കുമാർ മിശ്രയുടെ കാലാവധി 2023 സെപ്തംബർ 15 ന് അവസാനിച്ചതിന് ശേഷം ഇഡിയുടെ സ്പെഷൽ ഡയറക്ടറായി സേവനമനുഷ്ഠിച്ചു വരികയായിരുന്നു. കേന്ദ്രസർക്കാർ നേരത്തെ ഇഡിയുടെയും സിബിഐയുടെയും തലപ്പത്തുള്ളവരുടെ കാലാവധി നീട്ടിയിരുന്നു.

സ്ഥിരം കാലാവധിയായ 2 വർഷത്തിനൊപ്പം മൂന്ന് വർഷം വരെ കാലാവധി നീട്ടാനുള്ള ഓർഡിനൻസ് പാസാക്കിയതിനാൽ, പുതിയ നിയമം പ്രകാരം രാഹുൽ നവീന് പരമാവധി അഞ്ച് വർഷം വരെ ചുമതലയിൽ തുടരാനാവും. സഞ്ജയ് കുമാറിനൊപ്പം ഇഡിയെ നയിച്ചയാളാണ് രാഹുൽ നവീൻ.

നിലവിൽ രാജ്യത്ത് കള്ളപ്പണം, അഴിമതി സംബന്ധിച്ച് നിരവധി കേസുകളിൽ അന്വേഷണം പുരോഗമിക്കുന്നുണ്ട്. ഇഡി ഏകദേശം 100 രാഷ്ട്രീയ നേതാക്കൾക്കെതിരെ കേസെടുത്ത് അന്വേഷണം നടത്തുന്നുണ്ട്.

ഇതിൽ 95 ശതമാനം കേസുകളും പ്രതിപക്ഷ പാർട്ടി നേതാക്കൾക്കെതിരെയാണെന്നത് ശ്രദ്ധേയമാണ്.

വഖഫ് ബിൽ: ലോക്സഭയിൽ ചൂടേറിയ ചർച്ച

Story Highlights: Rahul Navin, 1993 batch IRS officer, appointed as new Enforcement Directorate Director by Cabinet Committee

കൊടകര കേസ്: ഇഡി ബിജെപിയുടെ ഏജൻസി, കുറ്റപത്രം തിരുത്തിയെഴുതിയെന്ന് എം വി ഗോവിന്ദൻ