Rahul Mamkoottathil responds to CPIM leader's statement on Gandhi statue

കണ്ണൂർ◾: കണ്ണൂർ മലപ്പട്ടത്ത് ഗാന്ധി സ്തൂപം നിർമ്മിക്കുന്നതുമായി ബന്ധപ്പെട്ട് സിപിഐഎം നേതാവ് പി.വി. ഗോപിനാഥിന് മറുപടിയുമായി രാഹുൽ മാങ്കൂട്ടത്തിൽ എം.എൽ.എ രംഗത്ത്. മലപ്പട്ടത്ത് ഗാന്ധി സ്തൂപം ഉയരുമെന്ന് രാഹുൽ മാങ്കൂട്ടത്തിൽ ഫേസ്ബുക്കിൽ കുറിച്ചു. ഗാന്ധി സ്തൂപം ഉണ്ടാക്കാൻ ശ്രമിക്കേണ്ടെന്ന് പറയുന്നത് ബിജെപി നേതാവല്ലെന്നും ആർഎസ്എസിൻ്റെ മറ്റൊരു രൂപമായ സിപിഐഎമ്മിൻ്റെ കണ്ണൂർ ജില്ലാ സെക്രട്ടറിയേറ്റ് മെമ്പറാണെന്നും രാഹുൽ വിമർശിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞയാഴ്ച മലപ്പട്ടം അഡുവാപ്പുറത്ത് തകർത്ത കോൺഗ്രസിൻ്റെ ഗാന്ധിസ്തൂപം പുനർനിർമ്മിക്കുന്നതിനിടെ വീണ്ടും തകർക്കപ്പെട്ടിരുന്നു. ഇതിന് പിന്നാലെയാണ് സി.പി.ഐ.എം നേതാവിൻ്റെ വിവാദ പ്രസ്താവന. മലപ്പട്ടത്ത് ബുധനാഴ്ച വൈകീട്ട് കോൺഗ്രസ് – സിപിഐഎം സംഘർഷം നടന്നിരുന്നു.

സിപിഐഎം ജില്ലാ സെക്രട്ടറിയേറ്റ് അംഗം പി.വി ഗോപിനാഥ് ഇന്നലെ കണ്ണൂരിൽ പ്രകോപനപരമായ പ്രസംഗം നടത്തിയിരുന്നു. മലപ്പട്ടത്തെ യൂത്ത് കോൺഗ്രസ് നേതാവ് സനീഷ് പി.ആറിനെതിരെയായിരുന്നു അദ്ദേഹത്തിൻ്റെ പ്രകോപനം. സനീഷിനെ നിലയ്ക്ക് നിർത്താൻ ബാലസംഘം മതിയെന്നും ഗാന്ധി സ്തൂപം ഉണ്ടാക്കാൻ സനീഷ് മെനക്കെടേണ്ടതില്ലെന്നും ഗോപിനാഥ് പറഞ്ഞു.

സനീഷിൻ്റെ വീടിൻ്റെ അടുക്കളയിൽ പോലും ഗാന്ധി സ്തൂപം ഉണ്ടാക്കാൻ അനുവദിക്കില്ലെന്നും പി.വി. ഗോപിനാഥ് പ്രഖ്യാപിച്ചു. മലപ്പട്ടത്ത് ഇന്നലെ നടന്ന സിപിഐഎം യോഗത്തിലായിരുന്നു ഈ പ്രസംഗം. ഈ പ്രസ്താവനക്കെതിരെയാണ് രാഹുൽ മാങ്കൂട്ടത്തിൽ എം.എൽ.എ രംഗത്തെത്തിയിരിക്കുന്നത്.

കണ്ണൂരിൽ കോൺഗ്രസ് സ്തൂപം വീണ്ടും തകർത്തു; യൂത്ത് കോൺഗ്രസ് - സിപിഐഎം സംഘർഷം

Story Highlights : Rahul Mamkoottathil pv gopinath threat

Story Highlights: കണ്ണൂർ മലപ്പട്ടത്ത് ഗാന്ധി സ്തൂപം നിർമ്മിക്കുന്നതുമായി ബന്ധപ്പെട്ട് സിപിഐഎം നേതാവിന്റെ പ്രസ്താവനക്ക് മറുപടിയുമായി രാഹുൽ മാങ്കൂട്ടത്തിൽ എം.എൽ.എ രംഗത്ത്.

കണ്ണൂരിൽ എസ്എഫ്ഐയുടെ പ്രതിഷേധം; കോൺഗ്രസ് കൊടിമരമെന്ന് കരുതി പിഴുതത് മറ്റൊന്ന്