സൗദി അറേബ്യയിലെ ജയിലിൽ 18 വർഷമായി കഴിയുന്ന റഹീമിൻ്റെ മോചനത്തിനായി കുടുംബവും നാട്ടുകാരും ആകാംക്ഷയോടെ കാത്തിരിക്കുകയാണ്. റഹീമിൻ്റെ ഉമ്മ മകനുമായി ഏറെ നേരം സംസാരിച്ചതിൻ്റെ ആശ്വാസത്തിലാണ്. മടങ്ങി വരാൻ കഴിയുന്ന പ്രതീക്ഷയിലാണ് റഹീം കഴിയുന്നതെന്നും ഉമ്മ പറഞ്ഞു. സൗദിയിൽ മകനെ കണ്ട ശേഷം ഇന്നാണ് കുടുംബം കോഴിക്കോട് തിരിച്ചെത്തിയത്.
റഹീമിൻ്റെ മോചനത്തിനായി 36 കോടി രൂപയാണ് ആവശ്യമായിരുന്നത്. നാട്ടുകാർ ഒരുമിച്ച് പ്രവർത്തിച്ചതോടെ ദിവസങ്ങൾക്കുള്ളിൽ തന്നെ 47 കോടി രൂപ സമാഹരിക്കാൻ കഴിഞ്ഞു. ഇനി പണം നൽകേണ്ടതില്ലെന്ന് കുടുംബം അറിയിച്ചിട്ടുണ്ട്. മകൻ മടങ്ങിവരാൻ പണം സമാഹരിച്ച ജനതയോട് എങ്ങനെ നന്ദി പറയണമെന്ന് കുടുംബത്തിനറിയില്ല. ഒന്നുമില്ലാത്തിടത്തും റഹീമിൻ്റെ മോചനം വരെ എത്തിച്ചവരോട് അദ്ദേഹത്തിന്‍റെ സഹോദരൻ നന്ദി പറഞ്ഞു.
ഇന്ന് റഹീമിൻ്റെ മോചന ഉത്തരവുണ്ടാകുമെന്ന പ്രതീക്ഷയിലാണ് എല്ലാവരും. കാത്തിരിപ്പിൻ്റെ ദൈർഘ്യത്തിന് ആയുസ്സ് കുറഞ്ഞതിൻ്റെ ആശ്വാസമാണ് ഇപ്പോൾ ഉമ്മക്ക്. നിയമസഹായ ട്രസ്റ്റ് കമ്മിറ്റി സമാഹരിച്ച തുകയുടെ വിവരങ്ങൾ കഴിഞ്ഞ ദിവസം പുറത്തുവിട്ടിരുന്നു. ഇനി റഹിമിൻ്റെ മോചനത്തിനായി കാത്തിരിക്കുകയാണ് കുടുംബവും ഒപ്പം ഒരു നാടും.
Story Highlights: Family awaits release of Raheem from Saudi jail after 18 years, community raises 47 crore rupees for his freedom
