ഖത്തറിലെ പ്രമുഖ എണ്ണ, പ്രകൃതിവാതക വിതരണ കമ്പനിയായ വൊഖൂദ് (WOQOD) നിക്ഷേപം ക്ഷണിച്ചുകൊണ്ടുള്ള വ്യാജ പരസ്യങ്ങളിൽ വഞ്ചിതരാകരുതെന്ന് മുന്നറിയിപ്പ് നൽകി. എക്സ് പ്ലാറ്റ്‌ഫോമിലൂടെയാണ് കമ്പനി ഈ ജാഗ്രതാ നിർദേശം പുറപ്പെടുവിച്ചത്. സമൂഹ മാധ്യമങ്ങളിൽ പ്രചരിക്കുന്ന ഇത്തരം പരസ്യങ്ങളും വാർത്തകളും അടിസ്ഥാനരഹിതമാണെന്ന് വൊഖൂദ് വ്യക്തമാക്കി.
കമ്പനിയിൽ നിക്ഷേപം നടത്താൻ അവസരം വാഗ്ദാനം നൽകിയാണ് ഇത്തരം വ്യാജ പരസ്യങ്ങൾ പ്രചരിക്കുന്നതെന്ന് വൊഖൂദ് പുറത്തിറക്കിയ അറിയിപ്പിൽ വിശദീകരിച്ചു. കമ്പനിയോ അതിന്റെ ഏതെങ്കിലും അനുബന്ധ സ്ഥാപനങ്ങളോ ഇത്തരം പരസ്യങ്ങൾ നൽകിയിട്ടില്ലെന്നും വ്യാജ വാഗ്ദാനങ്ങൾ നൽകിക്കൊണ്ടുള്ള പരസ്യങ്ങളിൽ ജാഗ്രത പാലിക്കണമെന്നും അവർ ആവശ്യപ്പെട്ടു.
സംശയാസ്പദമായ ഇത്തരം പരസ്യങ്ങൾ ശ്രദ്ധയിൽ പെട്ടാൽ ഉടൻ തന്നെ ഉപഭോക്തൃ സേവന വിഭാഗത്തെ വിവരം അറിയിക്കാനും കമ്പനി പൊതുജനങ്ങളോട് അഭ്യർത്ഥിച്ചു. ഇത്തരം വ്യാജ പരസ്യങ്ങളിൽ നിന്ന് സാമ്പത്തിക നഷ്ടം ഒഴിവാക്കാൻ ജനങ്ങൾ ജാഗ്രത പുലർത്തേണ്ടതിന്റെ ആവശ്യകത വൊഖൂദ് ഊന്നിപ്പറഞ്ഞു.
Story Highlights: Qatar’s WOQOD warns against fake investment advertisements on social media
