PV Anvar Accuses Police of Gold Smuggling at Nilambur Meeting

നിലമ്പൂരിൽ വിളിച്ചുചേർത്ത രാഷ്ട്രീയ വിശദീകരണ യോഗത്തിൽ പി. വി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അൻവർ ആഭ്യന്തരവകുപ്പിനെതിരെ ആരോപണം ഉന്നയിച്ചു. വൻജനാവലിയെ സാക്ഷിയാക്കി അദ്ദേഹം പൊലീസിന് സ്വർണം പൊട്ടിക്കലിൽ പങ്കുണ്ടെന്ന ആരോപണം കൂടുതൽ രൂക്ഷമായി ആവർത്തിച്ചു.

കസ്റ്റംസും ഈ പ്രവർത്തനത്തിൽ കൂട്ടുനിൽക്കുന്നുണ്ടെന്നും കരിപ്പൂർ വിമാനത്താവളം വഴി തട്ടിപ്പ് തുടങ്ങിയിട്ട് 3 വർഷമായെന്നും അൻവർ ആരോപിച്ചു. സ്വർണക്കടത്ത് വിഷയത്തിൽ മുഖ്യമന്ത്രി തന്നെ കള്ളനാക്കാൻ നോക്കിയപ്പോഴാണ് താൻ രണ്ടും കൽപ്പിച്ച് ഇറങ്ങിയതെന്നും പരമാവധി തെളിവുകൾ ശേഖരിച്ചെന്നും അൻവർ കൂട്ടിച്ചേർത്തു.

കസ്റ്റംസ് ഉദ്യോഗസ്ഥർ പലപ്പോഴും സ്വർണം കണ്ടെത്തുന്നതിന് കണ്ണടച്ചുകൊടുക്കുന്നുവെന്നും തുടർന്ന് പൊലീസ് ഇത് പിടിക്കുകയും കൊണ്ടുപോയി ഉരുക്കുകയും ചെയ്യുന്നുവെന്നും അദ്ദേഹം ആരോപിച്ചു. കേരളം സ്ഫോടനാത്മകമായ അവസ്ഥയിലാണെന്നും പൊലീസിൽ 25% ക്രിമിനലുകളാണെന്നും അൻവർ പറഞ്ഞു.

തന്റെ പേര് അൻവർ എന്നായതുകൊണ്ട് തന്നെ വർഗീയവാദിയാക്കാൻ ശ്രമം നടക്കുന്നുവെന്ന് പറഞ്ഞ അദ്ദേഹം, മത വിശ്വാസി ആയത് കൊണ്ട് വർഗീയ വാദി ആകില്ലെന്നും മറ്റു മതങ്ങളെ വെറുക്കുന്നവനാണ് വർഗീയ വാദിയെന്നും വ്യക്തമാക്കി. നിലമ്പൂരിൽ പ്രതീക്ഷിച്ചതിലും വലിയ ജനാവലിക്ക് മുന്നിൽ പുഷ്പന് ആദരമർപ്പിച്ചുകൊണ്ടാണ് അൻവർ തന്റെ പ്രസംഗം ആരംഭിച്ചത്.

തമിഴ്നാട് ബിജെപി അധ്യക്ഷ സ്ഥാനത്ത് നിന്ന് കെ. അണ്ണാമലൈയെ മാറ്റുമെന്ന് സൂചന

Story Highlights: PV Anvar makes serious allegations against police and customs in gold smuggling case at Nilambur political meeting

ഓപ്പറേഷൻ ഡി-ഹണ്ട്: 69 പേർ അറസ്റ്റിൽ