PV Anvar accuses P Sasi of delaying vigilance probe against ADGP

മുഖ്യമന്ത്രിയുടെ പൊളിറ്റിക്കൽ സെക്രട്ടറി പി ശശിയാണ് എഡിജിപി അജിത് കുമാറിനെതിരായ വിജിലൻസ് അന്വേഷണം വൈകിപ്പിച്ചതെന്ന് പിവി അൻവർ എംഎൽഎ ആരോപിച്ചു. അന്വേഷണം ശിപാർശ ചെയ്യുന്ന ഫയൽ മുഖ്യമന്ത്രിക്കു മുന്നിൽ എത്താൻ വൈകിയതാണ് അന്വേഷണം വൈകാൻ കാരണമെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പൊളിറ്റിക്കൽ സെക്രട്ടറിയാണ് ഫയൽ പൂഴ്ത്തി വെച്ചതെന്നും അൻവർ ആരോപിച്ചു. എഡിജിപിക്കെതിരായ അന്വേഷണം നല്ല തീരുമാനമാണെന്ന് അഭിപ്രായപ്പെട്ട പിവി അൻവർ, കോട്ടക്കൽ പൊലീസ് സ്റ്റേഷനിലെ കെട്ടിട നിർമാണവും അന്വേഷിക്കണമെന്ന് ആവശ്യപ്പെട്ടു.

നിലവിൽ അന്വേഷണം സാന്ത്യസന്ധമായി നടക്കുന്നുണ്ടെങ്കിലും മെല്ലെപ്പോക്കാണെന്നും അദ്ദേഹം കൂട്ടിച്ചേർത്തു. എഡിജിപിയെ സസ്പെൻഡ് ചെയ്യണമെന്നും സ്വർണം കടത്തിയവരുടെ മൊഴി വിശദമായി എടുക്കണമെന്നും അൻവർ ആവശ്യപ്പെട്ടു.

പി ശശിക്കെതിരെ പാർട്ടി സെക്രട്ടറിക്ക് തെളിവുകൾ സഹിതമാണ് പരാതി നൽകിയതെന്നും കേവലം ആരോപണമല്ലെന്നും പിവി അൻവർ വ്യക്തമാക്കി. എഡിജിപി എംആർ അജിത് കുമാറിനെതിരായ വിജിലൻസ് അന്വേഷണത്തിനായി പ്രത്യേക അന്വേഷണ സംഘത്തെ ഉടൻ തീരുമാനിക്കുമെന്നും വിജിലൻസ് മേധാവി യോഗേഷ് ഗുപ്തയ്ക്ക് അന്വേഷണ ചുമതല നൽകുമെന്നും റിപ്പോർട്ടുകൾ സൂചിപ്പിക്കുന്നു.

ആശാ വർക്കേഴ്സിന്റെ സമരം ശക്തമാകുന്നു; മുടിമുറിച്ച് പ്രതിഷേധം

Story Highlights: PV Anvar MLA accuses P Sasi of delaying vigilance probe against ADGP Ajith Kumar

വീണ വിജയന് ഐക്യദാർഢ്യവുമായി ആര്യ രാജേന്ദ്രൻ