Pushpa 2 The Rule: Shooting Continues, VFX Incomplete, Fans Worried

പുഷ്പ 2 ദി റൂളിന്റെ ഷൂട്ട് ഇപ്പോഴും നടന്നുകൊണ്ടിരിക്കുകയാണെന്ന റിപ്പോർട്ടുകൾ ആരാധകരിൽ ആശങ്കയുളവാക്കുന്നുണ്ട്. രണ്ടാഴ്ച കഴിഞ്ഞാൽ റിലീസ് ചെയ്യാനിരിക്കുന്ന ചിത്രത്തിന്റെ ക്ലൈമാക്സ് സീനുകളിലെ വിഎഫ്എക്സും പൂർത്തിയായിട്ടില്ലെന്നാണ് പുറത്തുവരുന്ന വിവരം. എന്നിരുന്നാലും, കൃത്യസമയത്ത് ചിത്രം പ്രേക്ഷകർക്ക് മുന്നിലെത്തുമെന്നാണ് അണിയറപ്രവർത്തകർ അടിയുറച്ച് വിശ്വസിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അല്ലു അർജുനെ നായകനാക്കി സുകുമാർ സംവിധാനം ചെയ്യുന്ന ചിത്രത്തിന്റെ ആദ്യ ഭാഗമായ പുഷ്പ ദി റൈസ് ബോക്സോഫീസ് ഹിറ്റ് ആയിരുന്നു. പ്രീ റിലീസ് ബിസിനസ്സിലൂടെ മാത്രം പുഷ്പ 2 വിന് 1000 കോടിക്കുമുകളിൽ ലഭിച്ചിട്ടുണ്ട്. പുഷ്പ ദി റൈസിലൂടെ അല്ലു അർജുന് പാൻ ഇന്ത്യൻ ലെവൽ സ്റ്റാർഡം ലഭിച്ചിരുന്നു.

സംവിധായകൻ സുകുമാർ സ്ക്രിപ്റ്റിൽ അടിക്കടി മാറ്റം വരുത്തുന്നതും, ഷെഡ്യൂളുകൾ തോന്നിയ പോലെ ബ്രേക്ക് ചെയ്യുന്നതും കാരണം അല്ലുവും സുകുമാറും തമ്മിൽ വഴക്കുണ്ടായതായി മുമ്പും റിപ്പോർട്ടുകൾ പുറത്തുവന്നിരുന്നു. പുഷ്പയുടെ ആദ്യഭാഗത്തിന്റെ റിലീസ് സമയത്ത് ഡബ്ബ് ചെയ്ത ഓഡിയോ ഫയലുകൾക്ക് എറർ നേരിട്ടതും, ആദ്യദിനത്തിൽ മലയാളം പതിപ്പ് റിലീസാകാഞ്ഞതും ഒക്കെ അന്ന് വിമർശനങ്ങൾ സൃഷ്ടിച്ചിരുന്നു. പാൻ ഇന്ത്യൻ ലെവലിൽ അണിയിച്ചൊരുക്കുന്ന ചിത്രത്തിന്റെ നിർമാണത്തിൽ ഇത്തരത്തിൽ അണിയറപ്രവർത്തകരുടെ ഭാഗത്തുനിന്ന് പിഴവ് സംഭവിക്കുന്നത് വൻ വിമർശനങ്ങൾക്കാണ് വഴിയൊരുക്കുന്നത്.

വിജയ് ദേവരകൊണ്ടയും കീർത്തി സുരേഷും വീണ്ടും ഒന്നിക്കുന്നു;പുതിയ ചിത്രം ഉടൻ

Story Highlights: Pushpa 2: The Rule’s shooting still ongoing, VFX incomplete, but makers confident of timely release