പുഷ്പ 2: ദ റൂൾ ഡിസംബർ 5-ന് തിയേറ്ററുകളിൽ; ബോക്സ് ഓഫീസ് കൊടുങ്കാറ്റിന് കാത്തിരിക്കുന്നു ആരാധകർ

ഈ വർഷത്തെ ഏറ്റവും പ്രതീക്ഷയോടെ കാത്തിരിക്കുന്ന ചിത്രമായ ‘പുഷ്പ ദ റൂളി’ന്റെ പുതിയ അപ്ഡേറ്റ് പുറത്തുവന്നിരിക്കുകയാണ്. നേരത്തെ പ്രഖ്യാപിച്ചതിനേക്കാൾ ഒരു ദിവസം മുമ്പേ, ഡിസംബർ 5-ന്, ചിത്രം തിയേറ്ററുകളിൽ എത്തും. ‘പുഷ്പ: ദ റൈസി’ന്റെ രണ്ടാം ഭാഗമായ ഈ ചിത്രം ബോക്സ് ഓഫീസിൽ കൊടുങ്കാറ്റായി മാറുമെന്നാണ് പ്രതീക്ഷ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അടുത്തിടെ പുറത്തുവന്ന പോസ്റ്ററിൽ ‘ഫസ്റ്റ് ഹാഫ് ലോക്ക്ഡ്, ലോഡഡ് ആൻഡ് പാക്ക്ഡ് വിത്ത് ഫയർ’ എന്ന് കുറിച്ചിരുന്നു, തുടർന്ന് സിനിമ ഇറങ്ങാൻ 50 ദിവസം കൂടി എന്ന അറിയിപ്പുമായുള്ള പോസ്റ്ററും വന്നു. ഐക്കൺ സ്റ്റാർ അല്ലു അർജുനും സംവിധായകൻ സുകുമാറും രണ്ടാം ഭാഗത്തിൽ അതുല്യമായ ദൃശ്യാനുഭവം പ്രേക്ഷകർക്ക് നൽകാനാണ് ലക്ഷ്യമിടുന്നത്. ആദ്യ ഭാഗത്തിന്റെ വൻ വിജയത്തെ തുടർന്ന്, രണ്ടാം ഭാഗവും വലിയ ബോക്സ് ഓഫീസ് വിജയമാകുമെന്നാണ് പ്രതീക്ഷ.

റോക്ക് സ്റ്റാർ ദേവി ശ്രീ പ്രസാദിന്റെ സംഗീതവും അത്ഭുതകരമായ ദൃശ്യങ്ങളും ഒരു പുതിയ കാഴ്ച വിപ്ലവം സൃഷ്ടിക്കുമെന്നാണ് കരുതപ്പെടുന്നത്. നിർമ്മാതാക്കളായ മൈത്രി മൂവി മേക്കേഴ്സും സുകുമാർ റൈറ്റിംഗ്സും തിയേറ്ററുകളിൽ ഇതുവരെ കാണാത്ത വിധത്തിലുള്ള റിലീസിങ് മാമാങ്കത്തിനാണ് പദ്ധതിയിടുന്നത്. ചിത്രം ഇതിനകം 1000 കോടി രൂപയുടെ പ്രീ-റിലീസ് ബിസിനസ് നേടിക്കഴിഞ്ഞുവെന്നാണ് റിപ്പോർട്ടുകൾ.

കോഴിക്കോട് മേഖല അന്താരാഷ്ട്ര ചലച്ചിത്ര മേളയ്ക്ക് സമാപനം

അല്ലു അർജുന്, രശ്മിക മന്ദാന, ഫഹദ് ഫാസിൽ, സുനിൽ, ജഗപതി ബാബു, പ്രകാശ് രാജ് തുടങ്ങിയവരാണ് പ്രധാന കഥാപാത്രങ്ങളായി എത്തുന്നത്. ആദ്യ ഭാഗം രണ്ട് ദേശീയ ചലച്ചിത്ര പുരസ്കാരങ്ങളും 7 സംസ്ഥാന ചലച്ചിത്ര പുരസ്കാരങ്ങളും നേടിയിരുന്നു. ‘പുഷ്പ 2 ദ റൂൾ’ എല്ലാ റെക്കോർഡുകളും തകർക്കുമെന്നാണ് ആരാധകരുടെ പ്രതീക്ഷ.

ഇ 4 എൻറർടെയ്ൻമെൻറ്സ് ആണ് സിനിമയുടെ കേരളത്തിലെ വിതരണാവകാശം സ്വന്തമാക്കിയിരിക്കുന്നത്.

Story Highlights: Pushpa 2: The Rule set to release on December 5, promising a visual spectacle and box office storm

കൂലിയും വാർ 2വും: ബോക്സ് ഓഫീസ് റിപ്പോർട്ടുകൾ ഇങ്ങനെ