Prithviraj Sukumaran on KGF's impact on Kannada cinema

സിനിമാ ലോകത്തെ തന്റെ അനുഭവങ്ങൾ പങ്കുവെച്ച് നടൻ പൃഥ്വിരാജ് സുകുമാരൻ രംഗത്ത്. ഒരു സ്വകാര്യ യൂട്യൂബ് ചാനലിന് നൽകിയ അഭിമുഖത്തിലാണ് അദ്ദേഹം മനസ്സ് തുറന്നത്. മലയാള സിനിമയ്ക്ക് ‘ബിഗ് ബി’ എന്ന ചിത്രം എത്രമാത്രം പ്രാധാന്യമുള്ളതാണോ, അതേ രീതിയിൽ കന്നഡ സിനിമാ വ്യവസായത്തിന് ‘കെ.ജി.എഫ്’ എന്ന ചിത്രവും പ്രാധാന്യമുള്ളതാണെന്ന് അദ്ദേഹം അഭിപ്രായപ്പെട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘ബിഗ് ബി’യും ‘കെ.ജി.എഫും’ രണ്ടും തന്നെ അതുവരെയുള്ള സിനിമാ നിർമ്മാണ രീതികളിൽ നിന്നും വ്യത്യസ്തമായി പുതിയൊരു സിനിമാ അനുഭവം സൃഷ്ടിച്ചുവെന്ന് പൃഥ്വിരാജ് പറഞ്ഞു. ഈ രണ്ട് ചിത്രങ്ങളും പ്രേക്ഷകർക്ക് അപ്രതീക്ഷിതമായ അനുഭവങ്ങൾ സമ്മാനിച്ചുവെന്നും, അത് തന്നെയാണ് ഇവയെ മറ്റ് സിനിമകളിൽ നിന്നും വേറിട്ട് നിർത്തുന്നതെന്നും അദ്ദേഹം കൂട്ടിച്ചേർത്തു.

‘കെ.ജി.എഫ് 1’ തനിക്ക് ഏറെ പ്രിയപ്പെട്ട ചിത്രമാണെന്നും, ഇപ്പോഴും രണ്ടാം ഭാഗത്തേക്കാൾ ഒന്നാം ഭാഗമാണ് കൂടുതൽ ഇഷ്ടമെന്നും പൃഥ്വിരാജ് വെളിപ്പെടുത്തി. ‘സലാർ’ എന്ന ചിത്രത്തിന്റെ ചിത്രീകരണത്തിനിടെ ഈ അഭിപ്രായം താൻ സംവിധായകൻ പ്രശാന്തിനോട് പങ്കുവെച്ചിട്ടുണ്ടെന്നും അദ്ദേഹം പറഞ്ഞു. ‘കെ.ജി.എഫി’ന്റെ കഥയെക്കാളുപരി അതിന്റെ സൗന്ദര്യാത്മക ഘടകങ്ങളും ശൈലിയും നായകൻ യഷിന്റെ അഭിനയവും തന്നെ അത്ഭുതപ്പെടുത്തിയെന്നും, ഈ ചിത്രം തന്നെ മാത്രമല്ല, നിരവധി സിനിമാ നിർമ്മാതാക്കളെയും സ്വാധീനിച്ചിട്ടുണ്ടെന്നും പൃഥ്വിരാജ് കൂട്ടിച്ചേർത്തു.