Prithvi Shaw Responds to Mumbai Ranji Squad Exclusion

മുംബൈ രഞ്ജി ടീമിൽ നിന്ന് ഒഴിവാക്കപ്പെട്ടതിനെ കുറിച്ച് യുവതാരം പൃഥ്വി ഷാ പ്രതികരിച്ചു. സമൂഹമാധ്യമങ്ങളിൽ പോസ്റ്റ് ചെയ്ത കുറിപ്പിൽ, ഒരു ഇടവേള ആവശ്യമായിരുന്നുവെന്നും അത് നൽകിയതിൽ നന്ദിയുണ്ടെന്നും അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

“ഒരു ഇടവേള ആവശ്യമായിരുന്നു, നന്ദിയുണ്ട്” എന്ന് സ്മൈലിയോടെ പൃഥ്വി ഷാ ഇൻസ്റ്റഗ്രാം സ്റ്റോറിയിൽ കുറിച്ചു. അച്ചടക്കമില്ലായ്മയും കായികക്ഷമതയിലെ കുറവും കാരണമാണ് പൃഥ്വി ഷായെ മുംബൈയുടെ രഞ്ജി ട്രോഫി ടീമിൽ നിന്നും ഒഴിവാക്കിയതെന്ന് റിപ്പോർട്ടുകളുണ്ട്.

സീനിയർ താരങ്ങളായ അജിങ്ക്യ രഹാനെ, ശ്രേയസ് അയ്യർ, ഷാർദ്ദുൽ താക്കൂർ എന്നിവർ പോലും നെറ്റ് സെഷനുകളോ പരിശീലന സെഷനുകളോ ഒഴിവാക്കാറില്ലെന്നും, എന്നാൽ പൃഥ്വി ഷായുടെ കാര്യത്തിൽ അച്ചടക്കമില്ലാത്ത പെരുമാറ്റമാണ് ടീമിൽ തുടരാൻ തടസമായതെന്നും വിലയിരുത്തപ്പെടുന്നു. മുംബൈയുടെ അടുത്ത രഞ്ജി മത്സരം ജനുവരി 26 മുതൽ അഗർത്തലയിൽ ത്രിപുരയ്ക്കെതിരെയാണ്.

ആദ്യ മത്സരത്തിൽ ബറോഡയോട് തോറ്റ മുംബൈ, രണ്ടാം മത്സരത്തിൽ മഹാരാഷ്ട്രയെ ഒമ്പത് വിക്കറ്റിന് തകർത്തിരുന്നു. പൃഥ്വി ഷായുടെ ഫിറ്റ്നസ് പ്രശ്നങ്ങളും അമിതവണ്ണവും ടീമിൽ നിന്ന് ഒഴിവാക്കാനുള്ള കാരണങ്ങളിൽ ഉൾപ്പെടുന്നതായും റിപ്പോർട്ടുകളുണ്ട്.

ഐപിഎല്ലിലെ ഏറ്റവും കൂടുതൽ തവണ പൂജ്യത്തിന് പുറത്തായ താരമെന്ന നാണക്കുറിപ്പ് ഗ്ലെൻ മാക്സ്വെല്ലിന്

Story Highlights: Prithvi Shaw responds to being dropped from Mumbai’s Ranji squad, citing need for break

രഞ്ജി താരം മുഹമ്മദ് അസ്ഹറുദ്ദീന് ജന്മനാട്ടിൽ വമ്പിച്ച സ്വീകരണം