Prakash Raj criticizes government over infrastructure safety

കേന്ദ്രസർക്കാരിനെതിരെ കടുത്ത വിമർശനവുമായി നടൻ പ്രകാശ് രാജ് രംഗത്തെത്തി. 2014-ന് ശേഷം നിർമ്മിച്ചതോ ഉദ്ഘാടനം ചെയ്തതോ ആയ പാലങ്ങൾ, കെട്ടിടങ്ങൾ, വിമാനത്താവളങ്ങൾ, ആശുപത്രികൾ തുടങ്ങിയവയുടെ അടുത്തേക്ക് പോകരുതെന്ന് താരം മുന്നറിയിപ്പ് നൽകി. മൺസൂൺ മുന്നറിയിപ്പ് എന്ന പേരിലാണ് പ്രകാശ് രാജ് ഈ കുറിപ്പ് പങ്കുവെച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മോദി സർക്കാരിനെതിരെയുള്ള താരത്തിന്റെ പരോക്ഷ പ്രതികരണം സോഷ്യൽ മീഡിയയിൽ വലിയ ചർച്ചയായി. പ്രകാശ് രാജിന്റെ പോസ്റ്റിനെ പിന്തുണച്ചും എതിർത്തും നിരവധി ആളുകൾ രംഗത്തെത്തി. ‘മഴയത്ത് നനയുന്നത് അതിമനോഹരമാണ്.

എന്നാൽ 2014-ന് ശേഷം നിർമ്മിച്ചതോ ഉദ്ഘാടനം ചെയ്തതോ ആയ കെട്ടിടങ്ങൾ, പാലങ്ങൾ, വിമാനത്താവളങ്ങൾ, ദേശീയപാതകൾ, ആശുപത്രികൾ എന്നിവയുടെ അടുത്തേക്ക് പോകരുത്. ട്രെയിനിൽ കയറുകയും അരുത്. ശ്രദ്ധിക്കുക’ എന്നാണ് പ്രകാശ് രാജിന്റെ ട്വീറ്റ്.

ബിഹാറിൽ ഈ വർഷം മാത്രം ഇരുപതോളം പാലങ്ങൾ തകർന്നുവീണതായി റിപ്പോർട്ടുകളുണ്ട്. കഴിഞ്ഞ ദിവസങ്ങളിൽ മാത്രം പത്ത് പാലങ്ങളാണ് തകർന്നത്. ഇതിൽ മിക്കതും ഗ്രാമീണ മേഖലകളിലെ ചെറിയ പാലങ്ങളാണെങ്കിലും, 25 വർഷത്തിനുള്ളിൽ നിർമ്മിച്ചവയാണ് കൂടുതലും.

എഴമ്പിലായി സൂരജ് വധം: സിപിഐഎമ്മിന് തിരിച്ചടി; പ്രതികൾക്ക് ജീവപര്യന്തം

കഴിഞ്ഞയാഴ്ച ഡൽഹി വിമാനത്താവളത്തിലെ മേൽക്കൂര തകർന്നുവീണ് ഒരാൾ മരിക്കുകയും നിരവധി പേർക്ക് പരിക്കേൽക്കുകയും ചെയ്തിരുന്നു. മധ്യപ്രദേശിലും ഗുജറാത്തിലും വിമാനത്താവളങ്ങളിലെ മേൽക്കൂര തകർന്നുവീഴുന്ന സംഭവങ്ങളും റിപ്പോർട്ട് ചെയ്യപ്പെട്ടിരുന്നു.

2047-ഓടെ കേരളം രാജ്യത്തിന് മാതൃകയാകുമെന്ന് ധനമന്ത്രി കെ.എൻ. ബാലഗോപാൽ