Prakash Javadekar Refutes BJP Resignation Rumors in Kerala

കേരളത്തിലെ ബിജെപി നേതാക്കൾ രാജിവയ്ക്കുമെന്ന വാർത്തകൾ തള്ളി കേരളത്തിന്റെ ചുമതലയുള്ള പ്രഭാരി പ്രകാശ് ജാവഡേക്കർ രംഗത്തെത്തി. ബിജെപി ഭാരവാഹികൾ രാജിവെക്കുമെന്ന വാദം യുക്തിരഹിതമാണെന്ന് അദ്ദേഹം എക്സ് അക്കൗണ്ടിലൂടെ പ്രതികരിച്ചു. അത്തരം തർക്കം അംഗീകരിക്കുകയാണെങ്കിൽ തിരഞ്ഞെടുപ്പ് തോൽവികളുടെ പേരിൽ പിണറായി വിജയനും മല്ലികാർജുൻ ഖാർഗെയും രാജിവയ്ക്കേണ്ടി വരുമെന്നും അദ്ദേഹം ചൂണ്ടിക്കാട്ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എൽഡിഎഫും യുഡിഎഫും അഭ്യൂഹങ്ങൾ പ്രചരിപ്പിക്കുന്നുവെന്ന് ജാവഡേക്കർ നേരത്തെ പ്രതികരിച്ചിരുന്നു. കേരള രാഷ്ട്രീയത്തിൽ മാറ്റമുണ്ടാക്കാൻ ബിജെപി ഉണ്ടാകുമെന്നും ജനങ്ങൾ പാർട്ടിയെ ഉറ്റുനോക്കുന്നുവെന്നും അദ്ദേഹം അഭിപ്രായപ്പെട്ടു. തിരഞ്ഞെടുപ്പിൽ ബിജെപി മികച്ച പോരാട്ടം നടത്തിയതായും അദ്ദേഹം കൂട്ടിച്ചേർത്തു.

പാലക്കാട് ഉപതിരഞ്ഞെടുപ്പ് തോൽവിയെ തുടർന്ന് സി കൃഷ്ണകുമാറിനും സംസ്ഥാന അധ്യക്ഷനുമെതിരെ പലരും കടുത്ത പ്രതികരണങ്ങളുമായി രംഗത്തെത്തിയിരുന്നു. ഇത്തരം പരസ്യ പ്രതികരണങ്ങൾക്ക് വിലക്കേർപ്പെടുത്തി ബിജെപി കേന്ദ്ര നേതൃത്വം രംഗത്തെത്തി. നാളെ കൊച്ചിയിൽ നടക്കുന്ന സംഘടനാ തിരഞ്ഞെടുപ്പ് നിരീക്ഷകരുടെ യോഗത്തിൽ ഉപതിരഞ്ഞെടുപ്പിലെ തോൽവിയും ചർച്ചയാകുമെന്ന് പ്രതീക്ഷിക്കപ്പെടുന്നു.

ദേശീയപാത 66: നിർമ്മാണത്തിലെ വീഴ്ചകൾ ദൗർഭാഗ്യകരമെന്ന് മന്ത്രി റിയാസ്

I am amazed at the logic of some sections are asking whether BJP office bearers will resign?
With this logic, Pinarayi Vijayan has to resign after LDF defeat in elections
With the same logic, Congress president, Mallikarjun Kharge has to resign after losing elections in…
— Prakash Javadekar (@PrakashJavdekar) November 25, 2024