ചൂരല്‍മല ടൗണില്‍ തയ്യല്‍ക്കട നടത്തിവന്നിരുന്ന പൊന്നന്റെ ജീവിതം ഒറ്റരാത്രി കൊണ്ട് കീഴ്‌മേല്‍ മറിഞ്ഞു. മുണ്ടക്കൈയില്‍ ഉണ്ടായ ദുരന്തത്തില്‍ അദ്ദേഹത്തിന്റെ വീടും തയ്യല്‍ക്കടയും നഷ്ടപ്പെട്ടു. എന്നാല്‍ ജീവിതം തിരികെ തുന്നിച്ചേര്‍ക്കാനുള്ള പൊന്നന്റെ ശ്രമങ്ങള്‍ക്ക് ട്വന്റിഫോര്‍ കരുത്ത് പകര്‍ന്നു.
പൊന്നന് വീണ്ടും തയ്യല്‍ ജോലി ചെയ്യാന്‍ സഹായിക്കുന്നതിനായി ഒരു ഓവര്‍ലോക്ക് മെഷീന്‍ നല്‍കാന്‍ ഫ്‌ളവേഴ്‌സ് ഫാമിലി ചാരിറ്റബിള്‍ സൊസൈറ്റിയും ട്വന്റിഫോര്‍ കണക്ടും ചേര്‍ന്ന് തീരുമാനിച്ചു. ഇതിന്റെ ഭാഗമായി എം എ പ്ലൈ കാലിക്കറ്റ് ആന്‍ഡ് പാലക്കാട് ഓവര്‍ലോക്ക് മെഷീന്‍ പൊന്നന് നല്‍കി.
തിരുവോണ ദിനമായ സെപ്തംബര്‍ 15ന് ആണ് മെഷീന്‍ കൈമാറിയത്. ഇതോടെ ചൂരല്‍മല സ്വദേശിയായ പൊന്നന് തന്റെ ജീവിതം പുനഃസ്ഥാപിക്കാനുള്ള അവസരം ലഭിച്ചു. ദുരന്തത്തില്‍ തകര്‍ന്ന ജീവിതം വീണ്ടെടുക്കാനുള്ള പൊന്നന്റെ പരിശ്രമത്തിന് ഇത് വലിയ കരുത്താകും.
Story Highlights: Ponnan, a tailor from Chooralmal, receives an overlock machine to rebuild his life after losing his home and shop in a disaster.
