Pongala Movie Launch: Star-Studded Event in Ernakulam Town Hall

സെപ്റ്റംബർ പതിമൂന്നാം തീയതി വെള്ളിയാഴ്ച എറണാകുളം ടൗൺ ഹാളിൽ വച്ച് ‘പൊങ്കാല’ എന്ന ചിത്രത്തിന്റെ ലോഞ്ചിംഗ് ചടങ്ങുകൾ നടന്നു. താരപ്പൊലിമ നിറഞ്ഞ ഒരു സായംസന്ധ്യയിലായിരുന്നു ചടങ്ങുകൾ അരങ്ങേറിയത്. എ. ബി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബിനിൽ തിരക്കഥ രചിച്ച് സംവിധാനം ചെയ്യുന്ന ഈ ചിത്രം ഗ്ലോബൽ പിക്ച്ചേഴ്സ് എൻ്റർടൈൻമെൻ്റിൻ്റെ ബാനറിൽ ഡോണ തോമസ് നിർമ്മിക്കുന്നു. ശ്രീനാഥ് ഭാസി, കെ. ജി. എഫ് സ്റ്റുഡിയോ, അനിൽ പിള്ള എന്നിവരും നിർമ്മാണത്തിൽ പങ്കാളികളാകുന്നു.

കൊച്ചി കലാഭവൻ്റെ പ്രസിഡൻ്റ് ഫാദർ ചെറിയാൻ കുനിയൻ തോടത്ത് ആദ്യഭദ്രദീപം തെളിയിച്ചു കൊണ്ടാണ് ചടങ്ങുകൾക്ക് തുടക്കമായത്. തുടർന്ന് വൈപ്പിൻ എം. എൽ. എ കെ.

എൻ. ഉണ്ണികൃഷ്ണൻ ബാനർ ലോഞ്ചിംഗ് നടത്തി. പ്രശസ്ത നിർമ്മാതാവ് സിയാദ് കോക്കർ ഫസ്റ്റ് ലുക്ക് പോസ്റ്റർ പ്രകാശനം ചെയ്തു. ചലച്ചിത്ര പ്രവർത്തകർ, ചിത്രത്തിൻ്റെ അണിയറ പ്രവർത്തകർ, ബന്ധുമിത്രാദികൾ എന്നിവർ അടങ്ങുന്ന വലിയൊരു സദസ്സിലാണ് ചിത്രത്തിന് ആരംഭം കുറിച്ചത്.

രണ്ടായിരത്തിൽ വൈപ്പിൻകരയിൽ അരങ്ങേറിയ ഒരു യഥാർത്ഥ സംഭവത്തിൽ നിന്നുമാണ് ഈ ചിത്രത്തിൻ്റെ കഥാബീജം ഉടലെടുക്കുന്നത്. വൈപ്പിൻ ഹാർബറിൽ രണ്ടു ഗ്രൂപ്പുകളുടെ കിടമത്സരമാണ് തികച്ചും സംഘർഷഭരിതമായ മുഹൂർത്തങ്ങളിലൂടെ അവതരിപ്പിക്കുന്നത്. ശ്രീനാഥ് ഭാസി, ബിബിൻ ജോർജ്, അലൻസിയർ, സാദിഖ്, ഡ്രാക്കുള സുധീർ, കിച്ചു ടെല്ലസ്, മാർട്ടിൻ മുരുകൻ, റോഷൻ മുഹമ്മദ്, യാമി സോന, ശാന്തകുമാരി, രേണു സുന്ദർ തുടങ്ങിയവർ പ്രധാന വേഷങ്ങളിൽ എത്തുന്നു. സെപ്റ്റംബർ ഇരുപത്തിരണ്ടിന് ചിത്രീകരണം ആരംഭിക്കുന്ന ഈ ചിത്രത്തിൻ്റെ ഷൂട്ടിംഗ് വൈപ്പിൻ, ചെറായി, മുനമ്പം ഭാഗങ്ങളിലായി പൂർത്തിയാകും.

സിബി മലയിലിന്റെ 40 വർഷങ്ങൾ; മമ്മൂട്ടിയുടെ ആശംസകൾ

Story Highlights: The launch of the film ‘Pongala’, directed by A.B. Binil, took place in Ernakulam Town Hall with a star-studded event and is based on a true incident from Vypeen in 2000.

വിസ്മയ മോഹൻലാൽ സിനിമയിലേക്ക്; ‘തുടക്കം’ ടൈറ്റിൽ പോസ്റ്റർ പുറത്ത്