Poco F7 with 7,550 mAh battery launching this month

പോക്കോയുടെ ഏറ്റവും പുതിയ മോഡൽ ഈ മാസം 24-ന് വിപണിയിലെത്തും. മിഡ് റേഞ്ചിൽ മികച്ച ഫീച്ചറുകളുമായി എത്തുന്ന പോക്കോ ഫോണുകൾക്ക് ഇന്ത്യയിൽ വലിയ സ്വീകാര്യതയുണ്ട്. പോക്കോ എഫ് 7 ആണ് ഇന്ത്യൻ വിപണിയിൽ അവതരിപ്പിക്കാനൊരുങ്ങുന്നത്. ഷവോമിയുടെ സബ് ബ്രാൻഡായ പോക്കോയുടെ ഈ വരവ് സ്മാർട്ഫോൺ പ്രേമികൾക്ക് ഏറെ പ്രതീക്ഷ നൽകുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മാർച്ചിൽ പോക്കോ എഫ് 7 പ്രോയും പോക്കോ എഫ് 7 അൾട്രയും കമ്പനി പുറത്തിറക്കിയിരുന്നു. ഈ സീരീസിന്റെ തുടർച്ചയായിട്ടാണ് പോക്കോ എഫ് 7 വിപണിയിലെത്തുന്നത്. 90 വാട്ട് ഫാസ്റ്റ് ചാർജിങ് പിന്തുണയുള്ള 7,550 mAh ന്റെ വലിയ ബാറ്ററിയാണ് ഈ ഫോണിന്റെ പ്രധാന ആകർഷണം. ഇതുവരെ ഇന്ത്യയിൽ അവതരിപ്പിച്ചതിൽ വെച്ച് ഏറ്റവും വലിയ ബാറ്ററിയാണ് പോക്കോ എഫ് 7-ൽ ഉണ്ടാകുക.

റിപ്പോർട്ടുകൾ പ്രകാരം സ്നാപ്ഡ്രാഗൺ 8s Gen 4 ചിപ്സെറ്റാണ് ഈ ഫോണിന് കരുത്ത് പകരുന്നത്. 6.83 ഇഞ്ച് അമോലെഡ് ഡിസ്പ്ലേയാണ് ഇതിലുള്ളത്. അലുമിനിയം മിഡിൽ ഫ്രെയിമും IP68 റേറ്റഡ് ബിൽഡും ഇതിന്റെ മറ്റു സവിശേഷതകളാണ്.

ഐഫോൺ 17 സീരീസ് നാളെ അവതരിപ്പിക്കും:A19 Pro ചിപ്സെറ്റും ഇ-സിം ഫീച്ചറുകളും

പോക്കോ എഫ് 7 ൽ പിന്നിൽ 50 മെഗാപിക്സൽ സോണി ഐഎംഎക്സ്882 പ്രൈമറി സെൻസറുണ്ട്. കൂടാതെ 8 മെഗാപിക്സൽ അൾട്രാവൈഡ് ഷൂട്ടറും അടങ്ങുന്ന ഡ്യുവൽ കാമറ സെറ്റപ്പും ഉണ്ടാകും. മുൻവശത്ത് 20 മെഗാപിക്സൽ സെൽഫി ക്യാമറയും ഉണ്ടായിരിക്കും.

30,000 രൂപ മുതലായിരിക്കും ഈ ഫോണിന്റെ വില ആരംഭിക്കുക എന്ന് കരുതുന്നു.

Story Highlights: മിഡ് റേഞ്ചിൽ 7,550 mAh ബാറ്ററിയുമായി പോക്കോ എഫ് 7 ഈ മാസം 24-ന് വിപണിയിൽ എത്തും.

ഐഫോൺ 17 സീരീസ് നാളെ അവതരിപ്പിക്കും:A19 Pro ചിപ്സെറ്റും ഇ-സിം ഫീച്ചറുകളും