കൊച്ചി: നാട്ടുകാരേയും യാത്രക്കാരേയും പേപ്പട്ടി ഓടിച്ചിട്ട് ആക്രമിച്ച സംഭവത്തിൽ 20 പേർക്ക് പരിക്ക്. കോട്ടാറ്റ്, മൂഞ്ഞേലി, അമ്പലനട പ്രദേശങ്ങളിലാണ് പേപ്പട്ടി ആക്രമണം ഉണ്ടായത്.നായയെ പിടികൂടാനായി നായപിടുത്തകാരുടെ നേതൃത്വത്തിൽ ശ്രമം നടത്തി വരികയാണ്.
സ്ത്രീകളും കുട്ടികളുമടക്കമുള്ളവരാണ് പേപ്പട്ടി അക്രമണത്തിനു ഇരയായത്.ആക്രമണത്തിനരയായവർ താലൂക്ക് ആശുപത്രിയിൽ ചികിത്സയിൽ കഴിയുകയാണ്.
ബുധനാഴ്ച ഉച്ചയോടെ കൊറിയർ സർവീസ് ജീവനക്കാരനായ റിന്റോയെയാണ് പേപ്പട്ടി ആദ്യം ആക്രമിച്ചത്.പിന്നാലെ വഴിയിൽ കണ്ടവരെയെല്ലാം നായ ഓടിച്ചിട്ട് ആക്രമിക്കുകയായിരുന്നു.പരിക്കേറ്റവരിൽ മദ്ധ്യവയസ്‌കരും യുവാക്കളും ഉൾപ്പെടുന്നുണ്ട്.
പോലീസും ഫയർഫോഴ്സും നായപിടുത്തകാരും സംഭവ സ്ഥലത്തെത്തി നായക്കായി തെരച്ചിൽ നടത്തി ഒരു നായയെ പിടികൂടുകയും ചെയ്തിരുന്നു.എന്നാൽ തങ്ങളെ ആക്രമിച്ച പേപ്പട്ടിയെ അല്ല പിടികൂടിയിരിക്കുന്നതെന്ന് ആക്രമണത്തിനിരയായവർ പറയുന്നത്.
Story highlight :People injured in the attack of dog in kochi.
