Palakkad BJP in Crisis: Internal Conflicts Escalate After By-election Loss

പാലക്കാട് ബിജെപിയിൽ ഉപതിരഞ്ഞെടുപ്പ് തോൽവിക്ക് പിന്നാലെ അസ്വാരസ്യങ്ങൾ തുടരുകയാണ്. സി കൃഷ്ണകുമാറിനെതിരെ ഒരു വിഭാഗം പരസ്യ നിലപാടെടുത്തതോടെ ജില്ലാ നേതൃത്വം പ്രതിസന്ധിയിലായി. കൗൺസിലർമാരെ പ്രതിക്കൂട്ടിലാക്കിയാൽ കടുത്ത നടപടികളിലേക്ക് കടന്നേക്കുമെന്ന സൂചനയുണ്ട്. പരാജയത്തിന് കാരണം കൗൺസിലർമാരെന്ന റിപ്പോർട്ടിനെതിരെ രൂക്ഷവിമർശനം ഉയർന്നിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തോൽവിക്ക് പിന്നാലെ ബിജെപി ഭരണമുള്ള നഗരസഭയെ പഴിചാരി നേതൃത്വത്തിന് നൽകിയ വിശദീകരണം പുറത്തായതോടെയാണ് പൊട്ടിത്തെറികളുടെ തുടക്കം. നഗരസഭയ്ക്കെതിരായ വിമർശനങ്ങളിൽ, നേതൃത്വത്തിനെതിരെ നഗരസഭാധ്യക്ഷ പ്രമീളാ ശശിധരൻ തുറന്നടിച്ചു. സ്ഥാനാർഥി നിർണയം പാളിയെന്നും പ്രമീള ശശിധരൻ പറഞ്ഞു. തോൽവിക്ക് കാരണം കൗൺസിലർമാർ എന്ന് താൻ എവിടെയും പറഞ്ഞിട്ടില്ലെന്ന് സി കൃഷ്ണകുമാർ വ്യക്തമാക്കി.

ഇതിനിടെ യുഡിഎഫ് വിജയത്തിന്റെ ഭാഗമായി നടന്ന ലഡു വിതരണത്തിൽ നഗരസഭ അധ്യക്ഷ പങ്കാളിയായതിൽ സി കൃഷ്ണകുമാർ വിഭാഗം രംഗത്തെത്തി. നഗരസഭയിലെ യുഡിഎഫ് കൗൺസിലർമാർ നടത്തിയ ആഘോഷത്തിൽ ലഡ്ഡു സ്വീകരിച്ചതാണ് വിവാദമായത്. ഇന്ന് നഗരസഭാ കൗൺസിൽ യോഗവും ചേരുന്നുണ്ട്, ഇത് സ്ഥിതിഗതികൾ കൂടുതൽ സങ്കീർണമാക്കിയേക്കാം.

വേടന്റെ പരിപാടിയിലെ നഷ്ടം: 1,75,552 രൂപ ആവശ്യപ്പെട്ട് നഗരസഭ

Story Highlights: Discomfort continues in Palakkad BJP following by-election defeat and internal conflicts

നിലമ്പൂർ ഉപതെരഞ്ഞെടുപ്പിൽ ബിഡിജെഎസ് മത്സരിക്കും; സ്ഥാനാർത്ഥിയെ ജൂൺ 1ന് തീരുമാനിക്കും