അഡലെയ്ഡ് വേദിയായ രണ്ടാം ഏകദിനത്തില്‍ ഓസ്‌ട്രേലിയക്കെതിരെ പാക്കിസ്ഥാന്‍ വമ്പന്‍ ജയം നേടി. 141 ബോള്‍ ശേഷിക്കെ ഒമ്പത് വിക്കറ്റിനാണ് സന്ദര്‍ശകരുടെ ജയം. 29 റണ്‍സ് മാത്രം വിട്ടുകൊടുത്ത് അഞ്ച് വിക്കറ്റ് പിഴുത ഹാരിസ് റൗഫാണ് കളിയിലെ താരം. ഇതോടെ പരമ്പരയില്‍ ഇരുടീമുകളും ഒരു ജയം വീതം സ്വന്തമാക്കി.
ആദ്യം ബാറ്റ് ചെയ്ത ഓസ്‌ട്രേലിയ 35 ഓവറില്‍ 163 റണ്‍സിന് എല്ലാവരും കൂടാരം കയറി. ഓസീസ് ബാറ്റിങ് നിരയില്‍ 35 റണ്‍സെടുത്ത സ്റ്റീവന്‍ സ്മിത്ത് ആണ് ടോപ് സ്‌കോറര്‍. ഹാരിസ് റൗഫും മൂന്ന് വിക്കറ്റെടുത്ത ഷഹിന്‍ ഷാ അഫ്രീദിയുമാണ് പാക്കിസ്ഥാന്‍ ബോളിങിന്റെ കുന്തമുനകളായത്.
പാക്കിസ്ഥാന്‍ 26.3 ഓവറില്‍ ഒരു വിക്കറ്റ് നഷ്ടത്തില്‍ 169 റണ്‍സെടുത്ത് ലക്ഷ്യം കണ്ടു. 22കാരന്‍ സയിം അയൂബ് (82), അബ്ദുള്ള ഷഫിഖ് (64) എന്നിവര്‍ അര്‍ധ ശതകം നേടി പാക്കിസ്ഥാന്റെ ജയത്തില്‍ നിര്‍ണായക പങ്കുവഹിച്ചു.
Story Highlights: Pakistan secures a massive victory against Australia in the second ODI at Adelaide, with Haris Rauf’s five-wicket haul being the highlight.
