സംഗീത സംവിധായകൻ ഔസേപ്പച്ചൻ ആർഎസ്എസിന്റെ ജന്മദിന ആഘോഷ പരിപാടിയിൽ പങ്കെടുത്തു. തൃശൂർ തേക്കിൻകാട് മൈതാനിയിൽ നടന്ന ചടങ്ങിൽ അദ്ദേഹം ആർഎസ്എസിനെ കുറിച്ച് പ്രശംസിച്ചു സംസാരിച്ചു. ആർഎസ്എസ് വിശാലമായ സംഘടനയാണെന്നും എല്ലാവരും തന്നെ കൈനീട്ടി സ്വീകരിച്ചുവെന്നും അദ്ദേഹം പറഞ്ഞു.
യോഗ ചെയ്യുന്നതും അച്ചടക്കം പാലിക്കുന്നതും ആർഎസ്എസ് നൽകിയ പാഠങ്ങളാണെന്ന് ഔസേപ്പച്ചൻ വ്യക്തമാക്കി. മറ്റുള്ളവരെ ബഹുമാനിക്കാനും സ്നേഹിക്കാനുമുള്ള പാഠങ്ങളാണ് ഇവിടെ പഠിക്കുന്നതെന്നും അദ്ദേഹം കൂട്ടിച്ചേർത്തു. പരിപാടിയിൽ നരേന്ദ്ര മോദിയെ പുകഴ്ത്തി സംസാരിക്കുകയും ചെയ്തു.
സംഘത്തിൽ പ്രവർത്തിക്കുന്നവരെ വിശുദ്ധന്മാർ എന്നാണ് വിളിക്കേണ്ടതെന്ന് ഔസേപ്പച്ചൻ അഭിപ്രായപ്പെട്ടു. ആർഎസ്എസിനെ കുറിച്ച് ഒന്നും അറിയില്ലായിരുന്നുവെന്ന് പറഞ്ഞ അദ്ദേഹം, ഒരു നാട് നന്നാക്കാൻ അഹോരാത്രം പ്രവർത്തിക്കുന്ന സംഘത്തിന് പ്രണാമം എന്നും കൂട്ടിച്ചേർത്തു.
Story Highlights: Music director Ouseppachan attends RSS birthday celebration event in Thrissur, praises organization
