Oshana Malayalam Movie Releases First Video Song

ഓശാന എന്ന ചിത്രത്തിന്റെ മനോഹരമായ വീഡിയോഗാനം ഒക്ടോബർ 21-ന് പ്രകാശനം ചെയ്തു. നവാഗതനായ എൻ. വി. മനോജ് സംവിധാനം ചെയ്യുന്ന ഈ ചിത്രത്തിലെ ഗാനം ഒരു ട്രയിൻ യാത്രയിൽ തുടങ്ങുന്ന പ്രണയത്തിന്റെ കൗതുകകരമായ ദൃശ്യാവിഷ്ക്കാരമാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഹരിനാരായണൻ രചിച്ച് മെജോ ജോസഫ് ഈണമിട്ട ഈ ഗാനം കെ. എസ്. ഹരിശങ്കറാണ് ആലപിച്ചിരിക്കുന്നത്. പുതുമുഖങ്ങളായ ബാലാജി ജയരാജും വർഷാ വിശ്വനാഥുമാണ് ഗാനരംഗത്തിലെ അഭിനേതാക്കൾ.

തമിഴ് ചലച്ചിത്രവേദിയിലെ പ്രശസ്ത കോറിയോഗ്രാഫറായ പ്രശാന്താണ് കോറിയോഗ്രാഫി കൈകാര്യം ചെയ്തിരിക്കുന്നത്. ഹൈദ്രാബാദ് രാമോജി ഫിലിം സ്റ്റുഡിയോയിൽ ചിത്രീകരിച്ച ഈ ചിത്രം, മരക്കാറിനു ശേഷം അവിടെ ചിത്രീകരിക്കുന്ന ആദ്യ മലയാള സിനിമയാണ്. എം. ജെ.

എൻ. പ്രൊഡക്ഷൻസിന്റെ ബാനറിൽ മാർട്ടിൻ ജോസഫ്മായിപ്പൻ നിർമ്മിക്കുന്ന ഓശാന, ഒരു വ്യക്തിയുടെ ജീവിതത്തിലെ വികാരങ്ങളുടെയും ബന്ധങ്ങളുടെയും സങ്കീർണ്ണതകൾ അവതരിപ്പിക്കുന്നു. വിവിധ കാലഘട്ടങ്ങളിൽ പ്രണയം എങ്ങനെ വ്യത്യാസപ്പെടുന്നുവെന്നും അത് ഒരു വ്യക്തിയുടെ ജീവിതത്തെ എങ്ങനെ സ്വാധീനിക്കുന്നുവെന്നും ചിത്രം വരച്ചുകാട്ടുന്നു. ധ്യാൻ ശ്രീനിവാസൻ, അൽത്താഫ് സലിം, ബോബൻ സാമുവൽ തുടങ്ങിയവർ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.

ചന്ദനക്കാടുകളിലെ പോരാട്ടം; 'വിലായത്ത് ബുദ്ധ' ടീസർ പുറത്തിറങ്ങി

ഗാനങ്ങൾക്ക് പ്രാധാന്യമുള്ള ഈ ചിത്രത്തിലെ മറ്റു ഗാനങ്ങൾ വിനായക് ശശികുമാർ, ഷോബി കണ്ണങ്കാട്ട്, സാൽവിൻ വർഗീസ് എന്നിവർ രചിച്ചിരിക്കുന്നു. ജിതിൻ ജോസാണ് കഥ, തിരക്കഥ, സംഭാഷണം എന്നിവ രചിച്ചിരിക്കുന്നത്. മെൽബിൻ കുരിശിങ്കൽ ഛായാഗ്രഹണം നിർവഹിക്കുന്ന ഈ ചിത്രത്തിന്റെ എഡിറ്റിംഗ് സന്ധീപ് നന്ദകുമാറും കലാസംവിധാനം ബനിത് ബത്തേരിയും നിർവഹിക്കുന്നു.