One-Day Elephant Mahout Certification Course in Kerala

പാലക്കാട്, തൃശൂർ ജില്ലകളിൽ വനംവകുപ്പിന്റെ സാമൂഹിക വനവത്കരണവിഭാഗം ഒറ്റദിവസം കൊണ്ട് ആനപാപ്പാനാവാൻ അവസരമൊരുക്കുന്നു. പാലക്കാട് ജില്ലയിലെ കോഴ്സ് ഒലവക്കോട് വനം ഡിവിഷൻ ആസ്ഥാനത്ത് 22-നും തൃശ്ശൂരിലേത് 23-നും നടത്തും. കോഴ്സിൽ പങ്കെടുക്കുന്നവർക്ക് പാപ്പാന്മാരാവുന്നതിനുള്ള സർട്ടിഫിക്കറ്റ് ലഭിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആനയുടമസ്ഥൻ നൽകുന്ന സാക്ഷ്യപത്രത്തോടുകൂടിയതാണ് കോഴ്സ്. നിലവിൽ ആനകളുടെ കൈവശക്കാർക്കും പാപ്പാനായി പരിചയസമ്പത്തുണ്ടെന്നു നിശ്ചിതഫോറത്തിൽ സാക്ഷ്യപത്രം നൽകുന്നവർക്കും കോഴ്സിൽ പങ്കെടുക്കാം. ഇതിനായി ആധാർ കാർഡിന്റെ പകർപ്പ്, ഫോട്ടോ, ഫിറ്റ്നസ് സർട്ടിഫിക്കറ്റ് എന്നിവയുമായെത്തി രജിസ്റ്റർ ചെയ്യണം.

2003-ലെ നാട്ടാനപരിപാലനചട്ടത്തിലെ വ്യവസ്ഥപ്രകാരം ആനയെ പരിപാലിക്കുന്നവർക്ക് വനംവകുപ്പിന്റെ യോഗ്യതാസർട്ടിഫിക്കറ്റ് നിർബന്ധമാണ്. കേന്ദ്രസർക്കാരിന്റെ മാനദണ്ഡപ്രകാരം അഞ്ചുവർഷം ആനപരിപാലനരംഗത്തുള്ളവർക്ക് മാത്രമേ കോഴ്സിൽ പങ്കെടുക്കാൻ കഴിയൂ. കോട്ടൂർ, കോടനാട്, കോന്നി എന്നീ നാട്ടാന പരിശീലനകേന്ദ്രങ്ങളിൽ മൂന്നുവർഷം ആനപരിപാലനരംഗത്തുള്ളവർക്കും പങ്കെടുക്കാം.

സർട്ടിഫിക്കറ്റ് ലഭിക്കുന്നവർക്ക് സർക്കാരിലും ദേവസ്വം ബോർഡുകളിലും അപേക്ഷിക്കാൻ കഴിയും. പാപ്പാന്മാർക്ക് സർക്കാർ ഇൻഷുറൻസ് പരിരക്ഷയുമുണ്ട്. എന്നാൽ, കോഴ്സ് നടത്തുന്നതിനെതിരെ മൃഗാവകാശ സംഘടന രംഗത്തെത്തി, ഹെറിറ്റേജ് ആനിമൽ ടാസ്ക് ഫോഴ്സ് സെക്രട്ടറിക്ക് പരാതി നൽകുകയും ചെയ്തു.

ക്യാപറ്റനാകാനില്ലെന്ന് ബുംറ; ജോലി ഭാരമില്ലാതെ കളിക്കാനാണ് തനിക്കിഷ്ടമെന്ന് ബിസിസിഐയെ അറിയച്ചതായി വിവരം

Story Highlights: Forest Department offers one-day course for elephant mahout certification in Kerala

പുലിപ്പല്ല് കേസ്: തുടർനടപടികൾ ചർച്ച ചെയ്യാൻ വനംവകുപ്പ് യോഗം ചേരുന്നു