Nivin Pauly's Multiverse Manmathan First Look Poster Released

മലയാളത്തിലെ ആദ്യ മൾട്ടിവേഴ്സ് സൂപ്പർഹീറോ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. നിവിൻ പോളി നായകനും നിർമ്മാതാവുമായ ഈ ചിത്രത്തിന് “മൾട്ടിവേഴ്സ് മന്മഥൻ” എന്നാണ് പേരിട്ടിരിക്കുന്നത്. കിടിലൻ മേക്കോവർ പുറത്തുവിട്ടതിനു പിന്നാലെയാണ് ചിത്രത്തിന്റെ വിശേഷങ്ങൾ നിവിൻ പോളി ആരാധകരുമായി പങ്കുവച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പാൻ ഇന്ത്യൻ ചിത്രമായി ഒരുങ്ങുന്ന “മൾട്ടിവേഴ്സ് മന്മഥൻ” മലയാളത്തിനു പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലും റിലീസ് ചെയ്യും. ചിത്രത്തിന്റെ രചനയും സംവിധാനവും ആദിത്യൻ ചന്ദ്രശേഖരൻ ആണ് നിർവഹിക്കുന്നത്. സിനിമയുടെ പ്രീ-പ്രൊഡക്ഷൻ ജോലികൾ പുരോഗമിക്കുകയാണ്.

“കരിക്കിന്റെ ആവറേജ് അമ്പിളി”, “സെബാസ്റ്റ്യന്റെ വെള്ളിയാഴ്ച” എന്നീ സീരിസുകളിലൂടെയും “എങ്കിലും ചന്ദ്രികേ” എന്ന ചിത്രത്തിലൂടെയും ശ്രദ്ധേയനായ ആദിത്യൻ ചന്ദ്രശേഖരനാണ് ചിത്രത്തിന്റെ സംവിധായകൻ. നിതി രാജ്, അനന്ദു എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. ഛായാഗ്രഹണം അനീഷ് നിർവഹിക്കുന്നു.

നിവിൻ പോളിയുടെ പോളി ജൂനിയർ പിക്ചേഴ്സിന്റെ ബാനറിലാണ് ചിത്രം നിർമ്മിക്കുന്നത്. സൂപ്പർഹീറോ, കോമഡി, ആക്ഷൻ, ഫാന്റസി എന്നീ ഘടകങ്ങൾ ഒത്തിണങ്ങിയ ഒരു എന്റർടെയ്നർ ആയിരിക്കും ചിത്രമെന്ന് പ്രതീക്ഷിക്കുന്നു. ദാദ, റീസു എന്നിവരുടെ ആഗ്രഹം പോലെ അവരുടെ സ്വപ്നം സാക്ഷാത്കരിക്കപ്പെടുകയാണെന്നും നിവിൻ തന്റെ കുറിപ്പിൽ പറയുന്നു.

അമ്മയുടെ തലപ്പത്തേക്ക് ശക്തർ വരണം; ആസിഫ് അലിയുടെ പ്രതികരണം

Story Highlights: Nivin Pauly unveils the first look poster of “Multiverse Manmathan,” India’s first multiverse superhero film, directed by Adityan Chandrasekharan.

നിവിൻ പോളിക്കും എബ്രിഡ് ഷൈനുമെതിരായ കേസിൽ പ്രതികരണവുമായി നിവിൻ പോളി