Nipah in Palakkad: Woman's condition critical, to be shifted to Kozhikode

പാലക്കാട്◾: പാലക്കാട് തച്ചനാട്ടുകരയിൽ നിപ സ്ഥിരീകരിച്ച 39 കാരിയുടെ ആരോഗ്യനില അതീവ ഗുരുതരമായി തുടരുകയാണ്. യുവതി നിലവിൽ വെൻ്റിലേറ്ററിൽ ചികിത്സയിലാണ്. ആരോഗ്യവകുപ്പിന്റെ പുതിയ തീരുമാനപ്രകാരം ഇവരെ അടുത്ത ദിവസം കോഴിക്കോട് മെഡിക്കൽ കോളജിലേക്ക് മാറ്റും. ബന്ധുക്കളുടെ അഭ്യർഥന കൂടി പരിഗണിച്ചാണ് ഈ മാറ്റം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നിലവിൽ പെരിന്തൽമണ്ണ മൗലാന ആശുപത്രിയിലാണ് യുവതി ചികിത്സയിൽ കഴിയുന്നത്. ആശുപത്രി മാറ്റുന്നതിന് മുന്നോടിയായി ഒരു ഡോസ് ഇഞ്ചക്ഷൻ കൂടി നൽകി ആരോഗ്യനില വിലയിരുത്തും. രോഗിയുടെ ആരോഗ്യനില തൃപ്തികരമാണെന്ന് ഉറപ്പുവരുത്തിയ ശേഷമായിരിക്കും തുടർനടപടികൾ സ്വീകരിക്കുക.

ആരോഗ്യവകുപ്പിന്റെ കണ്ടെത്തൽ അനുസരിച്ച്, രോഗിയുമായി സമ്പർക്കത്തിൽ ഉണ്ടായിരുന്ന 91 പേരാണ് നിലവിലുള്ളത്. ഇവരെല്ലാവരും ഇപ്പോൾ നിരീക്ഷണത്തിലാണ്. ഇവരിൽ ഒരാൾക്ക് നേരിയ പനിയുടെ ലക്ഷണങ്ങൾ കണ്ടതിനെ തുടർന്ന് ആശുപത്രിയിൽ നിരീക്ഷണത്തിലാക്കിയിട്ടുണ്ട്.

തച്ചനാട്ടുകര ഗ്രാമപഞ്ചായത്തിലെ നാല് വാർഡുകളിലും കരിമ്പുഴ ഗ്രാമപഞ്ചായത്തിലെ രണ്ട് വാർഡുകളിലും കർശന സുരക്ഷ തുടരുകയാണ്. ഈ പ്രദേശങ്ങൾ കണ്ടെയ്ൻമെൻ്റ് സോണുകളായി പ്രഖ്യാപിച്ചിരിക്കുകയാണ്. ഈ പ്രദേശങ്ങൾ പൂർണ്ണമായും പോലീസ് നിരീക്ഷണത്തിലാണ്.

കേരളത്തിലെ പൊതുജനാരോഗ്യം അപകടത്തിൽ; സർക്കാർ അലംഭാവം കാണിക്കുന്നുവെന്ന് ശശി തരൂർ

Story Highlights : The health condition of the young woman who tested positive for Nipah in Palakkad is critical

പെരിന്തൽമണ്ണയിലെ നിപ രോഗിയെ കോഴിക്കോട്ടേക്ക് മാറ്റി; 425 പേർ നിരീക്ഷണത്തിൽ