Abdul Rahim's family offers help for Nimisha Priya's release

നിമിഷ പ്രിയയുടെ മോചനത്തിന് സഹായം വാഗ്ദാനം ചെയ്ത് അബ്ദുൾ റഹീമിന്റെ കുടുംബം. റഹീമിൻ്റെ മോചനത്തിനായി ലഭിച്ച തുകയിൽ നിന്ന് ഒരു പങ്ക് നൽകാമെന്ന് നിയമ സഹായ സമിതിയും അറിയിച്ചു. അതേസമയം, നിമിഷപ്രിയയുടെ വധശിക്ഷ നീട്ടിവെക്കാൻ കേന്ദ്രം യെമനോട് ആവശ്യപ്പെട്ടിട്ടുണ്ട്. ദയാധനം സ്വീകരിക്കാൻ മരിച്ചയാളുടെ കുടുംബം തയ്യാറായാൽ മറ്റ് ചർച്ചകൾക്ക് പ്രസക്തിയില്ലെന്നും കേന്ദ്രസർക്കാർ സുപ്രീം കോടതിയെ അറിയിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സൗദി ജയിലിൽ കഴിയുന്ന മലയാളി അബ്ദുൾ റഹീമിന്റെ കുടുംബം നിമിഷ പ്രിയയുടെ മോചനത്തിനായി സഹായിക്കാൻ തയ്യാറാണെന്ന് അറിയിച്ചു. ദയാധനം സ്വീകരിച്ച് യെമൻ പൗരന്റെ കുടുംബം മാപ്പ് നൽകുകയാണെങ്കിൽ പണം നൽകാൻ തയ്യാറാണെന്ന് റഹീമിന്റെ സഹോദരൻ ട്വന്റിഫോറിനോട് പറഞ്ഞു. റഹീമിനായുള്ള നിയമ സഹായ സമിതിയുമായി ആലോചിച്ച് തീരുമാനമെടുക്കുമെന്നും കുടുംബം വ്യക്തമാക്കി.

റഹീമിനെ രക്ഷിക്കുന്നതിനായി ഏകദേശം 48 കോടിയോളം രൂപ പിരിഞ്ഞു കിട്ടിയിരുന്നുവെന്ന് കെ.കെ.ആലിക്കുട്ടി പറഞ്ഞു. ഇതിനോടകം 37 കോടി രൂപ ചെലവായി. ബാക്കി വരുന്ന തുകയിൽ നിന്നും ഒരു പങ്ക് നിമിഷ പ്രിയയുടെ മോചനത്തിനായി നൽകുമെന്നും അദ്ദേഹം അറിയിച്ചു.

റഹീമിനെപ്പോലെ തന്നെ നിമിഷപ്രിയയേയും കാണുമെന്നും ഇത് ഒരു മനുഷ്യ ജീവൻ രക്ഷിക്കുന്ന കാര്യമാണെന്നും കെ.കെ.ആലിക്കുട്ടി അഭിപ്രായപ്പെട്ടു. ഏകദേശം 15 കോടിയ്ക്ക് അടുത്ത് ബാങ്കിൽ കാണുമെന്നാണ് പ്രതീക്ഷിക്കുന്നത്. ഈ തുകയിൽ നിന്നും ഒരു വിഹിതം നിമിഷയുടെ മോചനത്തിനായി ഉപയോഗിക്കും.

നിമിഷ പ്രിയയുടെ മോചന ചർച്ചകൾക്ക് വഴിത്തിരിവ്; തലാലിന്റെ കുടുംബത്തിന് അനുകൂല നിലപാട്

അറ്റോണി ജനറൽ സുപ്രീം കോടതിയിൽ അറിയിച്ചത് അനുസരിച്ച്, നിമിഷപ്രിയയുടെ വധശിക്ഷ തീയതി നീട്ടിവയ്ക്കാൻ കേന്ദ്രം യെമനോട് ആവശ്യപ്പെട്ടിട്ടുണ്ട്. യെമനിൽ ഇന്ത്യൻ എംബസി ഇല്ലാത്തത് വലിയ പ്രതിസന്ധിയാണെന്നും കേന്ദ്രം സുപ്രീംകോടതിയെ അറിയിച്ചു. വധശിക്ഷ ഒഴിവാക്കാൻ കേന്ദ്രം പരമാവധി ശ്രമിക്കുന്നുണ്ടെന്നും പ്രോസിക്യൂട്ടർക്ക് കേന്ദ്രസർക്കാർ കത്തയക്കുകയും ഒരു ഷെയ്ഖ് വഴി ചർച്ച നടത്താൻ ശ്രമിക്കുകയും ചെയ്തിരുന്നു.

ദയാധനം സ്വീകരിക്കാൻ മരിച്ചയാളുടെ കുടുംബം തയ്യാറാകാതെ മറ്റ് ചർച്ചകളിൽ കാര്യമില്ലെന്ന് കേന്ദ്രസർക്കാർ അറിയിച്ചു. ഈ വിഷയത്തിൽ തൽസ്ഥിതി റിപ്പോർട്ട് സമർപ്പിക്കാൻ കേന്ദ്രസർക്കാരിന് സുപ്രീംകോടതി നിർദ്ദേശം നൽകി. കേന്ദ്രത്തിന്റെ ഈ നിലപാട് കേസിൽ നിർണ്ണായകമാവുകയാണ്.

Story Highlights: Abdul Rahim’s family offers financial aid for Nimisha Priya’s release, indicating a willingness to contribute from the funds raised for Rahim’s case.