Actress Nimisha Bijoy reveals casting couch experience in cinema

സിനിമാ-സീരിയൽ രംഗത്തെ കാസ്റ്റിംഗ് കൗച്ച് അനുഭവങ്ങൾ സംബന്ധിച്ച് ഞെട്ടിക്കുന്ന വെളിപ്പെടുത്തലുകൾ പുറത്തുവരുന്നു. സോഷ്യൽ മീഡിയ റീലുകളിലൂടെ ശ്രദ്ധേയയായ നിമിഷ ബിജോ തന്റെ അനുഭവം പങ്കുവച്ചത് വലിയ ചർച്ചയായിരിക്കുകയാണ്. വലിയ സിനിമകളുടെ ഭാഗമാകാൻ അവസരം ലഭിച്ചപ്പോഴാണ് തനിക്ക് കാസ്റ്റിംഗ് കൗച്ച് അനുഭവമുണ്ടായതെന്ന് നിമിഷ വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘എനിക്ക് വിളി വന്നിട്ടുണ്ട്, ചോദിച്ചിട്ടും ഉണ്ട്. ആ കാസ്റ്റിംഗ് കൗച്ച് ഞാന് അംഗീകരിച്ചിരുന്നുവെങ്കില് ഞാനിന്ന് നയന്താരയേക്കാളും വലിയ നടിയായേനെ,’ എന്ന് നിമിഷ പറഞ്ഞു. എന്നാൽ താൽപര്യമില്ലെന്ന് പറഞ്ഞ് താൻ അത്തരം അവസരങ്ങൾ ഒഴിവാക്കി വിട്ടതായും അവർ വ്യക്തമാക്കി. താൻ ചെയ്തതെല്ലാം കുറഞ്ഞ ബജറ്റിലുള്ള സിനിമകളായിരുന്നുവെന്നും, എല്ലാവരും സഹകരിച്ച് ഉള്ള പണം വച്ച് ചെയ്യുന്ന ചെറിയ സിനിമകളായിരുന്നുവെന്നും നിമിഷ കൂട്ടിച്ചേർത്തു.

‘കാസ്റ്റിംഗ് കൗച്ചിന് വഴങ്ങിയിരുന്നുവെങ്കില് എന്റെ ലെവല് വേറെ ആയേനെ,’ എന്ന് നിമിഷ പറഞ്ഞു. ബിഗ് ബോസിൽ പങ്കെടുക്കണമെന്നത് തന്റെ വലിയ ആഗ്രഹമാണെന്നും, അത് സാധിച്ചില്ലെങ്കിലും താൻ അടിപൊളിയായി ജീവിക്കുമെന്നും അവർ കൂട്ടിച്ചേർത്തു. ഇത്തരം വെളിപ്പെടുത്തലുകൾ സിനിമാ മേഖലയിലെ അനാരോഗ്യകരമായ പ്രവണതകളെക്കുറിച്ച് വീണ്ടും ചർച്ചകൾ ഉയർത്തിയിരിക്കുകയാണ്.

ദാദാ ഫാൽക്കെ പുരസ്കാരം മലയാളത്തിന് സമർപ്പിച്ച് മോഹൻലാൽ