Actress Nikhila Vimal Joins Wayanad Flood Relief Efforts

നടി നിഖില വിമല് ദുരിതാശ്വാസ പ്രവര്ത്തനങ്ങളില് സജീവമായി പങ്കെടുക്കുന്നു. ഡിവൈഎഫ്ഐയുടെ നേതൃത്വത്തില് വയനാട്ടിലേക്ക് അവശ്യസാധനങ്ങള് എത്തിക്കുന്ന തളിപ്പറമ്പ കളക്ഷന് സെന്ററില് നിഖില വളണ്ടിയര് ആയി പ്രവര്ത്തിക്കുന്നു. രാത്രി വൈകിയിട്ടും മറ്റ് വളണ്ടിയര്മാര്ക്കൊപ്പം കലക്ഷന് സെന്ററിലെ പ്രവര്ത്തനങ്ങളില് നിഖില പങ്കാളിയാകുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഡിവൈഎഫ്ഐ ഔദ്യോഗിക പേജില് പങ്കുവച്ച വീഡിയോയില് നിഖിലയെ അഭിനന്ദിച്ചും പ്രശംസിച്ചും നിരവധി പേര് രംഗത്തെത്തുന്നതായി കാണാം. മമ്മൂട്ടി, മോഹന്ലാല്, മഞ്ജു വാര്യര്, പൃഥ്വിരാജ്, ടൊവിനോ തോമസ്, ബേസില് ജോസഫ്, ഉണ്ണി മുകുന്ദന് തുടങ്ങിയ മറ്റ് താരങ്ങളും വയനാടിന് ഐക്യദാര്ഢ്യം പ്രകടിപ്പിച്ചിട്ടുണ്ട്. കനത്ത മഴയും പ്രകൃതിക്ഷോഭവും തുടരുന്ന സാഹചര്യത്തില് സുരക്ഷയും ജാഗ്രതയും പാലിക്കാന് മമ്മൂട്ടിയും മോഹന്ലാലും ആവശ്യപ്പെട്ടു.

ജില്ലാ ഭരണകൂടം പുറത്തുവിട്ട കണ്ട്രോള് റൂം നമ്പറുകളും താരങ്ങളുടെ സോഷ്യല് മീഡിയ അക്കൗണ്ടുകളില് പങ്ക് വെച്ചിട്ടുണ്ട്. ദുരന്തത്തിന്റെ പശ്ചാത്തലത്തില് ചില സിനിമാ പ്രവര്ത്തനങ്ങളും മാറ്റിവെച്ചിട്ടുണ്ട്. ടൊവിനോ തോമസ് ചിത്രം ‘അജയന്റെ രണ്ടാം മോഷണം’ അപ്ഡേറ്റ് മാറ്റിവെച്ചു.

മമ്മൂട്ടി കമ്പനിയുടെ ആദ്യ ഹ്രസ്വചിത്രം 'ആരോ' യൂട്യൂബിൽ റിലീസ് ചെയ്തു

മഞ്ജു വാര്യരുടെ ചിത്രത്തിന്റെ റിലീസും മാറ്റിവെച്ചിരിക്കുകയാണ്. ഉരുള്പൊട്ടല്, മഴ സംബന്ധിച്ച മുന്നറിയിപ്പുകളും താരങ്ങള് സോഷ്യല് മീഡിയയില് പങ്കുവെച്ചിട്ടുണ്ട്. ദുരിതാശ്വാസ ക്യാംപുകളിലേക്ക് ആവശ്യമായ സാധനങ്ങള് ശേഖരിക്കുന്നതിന്റെ പോസ്റ്ററും മഞ്ജു വാര്യരുടെ പേജില് കാണാം.

Story Highlights: Actress Nikhila Vimal actively participates in relief efforts for Wayanad landslide victims Image Credit: twentyfournews

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു